ڕاپرسی بۆ دەستووری نوێی تونس دەستیپێكرد

ڕاپرسی بۆ دەستووری نوێی تونس لە سەرتاسەری ئەو وڵاتە دەستیپێكرد و دەسەڵاتەكانی سەرۆك كۆمار زیاد دەكرێت.

ئەمڕۆ دووشەممە 25-7-2022 ڕاپرسی بۆ دەستووری نوێی تونس كە لەلایەن قەیس سەعید سەرۆك كۆمار ئامادە كراوە دەستیپێكرد.

بەپێی ئەو دەستوورە نوێیە، دەسەڵاتەكانی سەرۆك كۆمار زیاد دەكرێت و ڕۆڵی پەرلەمان و دەزگای دادوەری كەمدەكرێتەوە و دامودەزگاكانی چاودێری بەسەر دەسەڵاتەكانی سەرۆك كۆمار نامێنێت. 

زۆربەی حزب و لایەنە سیاسییەكانی ئەو وڵاتە ڕاپرسییەكەیان بایكۆت كردووە و هاوكات راشد غەنوسی سەرۆكی حزبی نەهزەی تونس ڕایگەیاندووە، كەسی ژیر لەو ڕاپرسییەدا بەشداری ناكات چونكە دەستووری نوێی ئەو وڵاتە بۆ فریودانی خەڵك دانراوە. 

PUKmedia ئاژانسەكان