بایدن: تووشی شێرپەنجە بووم

سەرۆكی ویلایەتە یەكگرتووەكانی ئەمریكا ڕایدەگەیەنێت كە تووشی نەخۆشی شێرپەنجە بووە.

جۆ بایدن سەرۆكی ویلایەتە یەكگرتووەكانی ئەمریكا لە میانەی وتاردانێكی سەبارەت بە گۆڕانكاری و گەرمای زەوی ڕایگەیاند كە تووشی نەخۆشی شێرپەنجە بووە و ئەم وتەیەی بایدن بووە هۆی سەرسوڕمانی بەرپرسانی كۆشكی سپی.

دوای ئەو وتەیەی بایدن، بەرپرسانی كۆشكی سپی ڕایانگەیاند كە بایدن بەر لەوەی ببێتە سەرۆكی ئەمریكا شێرپەنجەی پێستی هەبووە و بەر لەوەی وەك سەرۆكی ئەمریكا دەستبەكار بێت نەخۆشییەكەی چارەسەر كراوە.

كوین ئۆكانر پزیشكی تایبەتی بایدن ساڵی ڕابردوو ڕاپۆرتێكی لەبارەی تەندروستی بایدن بڵاویكردبووە و ئاماژەی بە نەخۆشی شێرپەنجەی بایدن نەكردبوو. 

كوین ڕاشیگەیاندووە كە بایدن بە گەنجی زۆر خۆی بەر هەتاو داوە و ئەمەش وای كردووە كە تووشی شێرپەنجەی پێست بێت. 

PUKmedia ئاژانسەكان