مەترسی یا ژناڤچونا جھەكێ دیروكی ھەیە

پرا گەلیا ئێكە ژ وان پرێن گەلەگ كەفن و دیروكی شینوار ناس ژی دبینن كو مەترسی لسەر ڤێ پرێ دروست بوینە.

سەردار هێتوتی شارەزایی مێژویی و شینوار ناس بەحس لڤێ پرێ دكەت و دبێژیت: پرا گەلیا دیروكا وێ نەیا دیارە هند ددەنە پال سەردەمێ ئیسلامێ هندژی ددەنە سەردەمێ رومانی و میرگەها بەهیدنان ل ئامێدیێ، لەورا دیروكەكا ڤەشارتی یا هەی و گەلەگ ژ وێ كەفنترە یاكو نڤیسەر ددەنە پال.

هەروەسا ب PUKmedia گوت: ئەڤ پرە دكەفیتە دوو كیلومەترا ناحیا شێلادزێ و 17 كیلومەترا ل قەزا ئامێدیێ كو دەڤەرێن نێروەو رێكان و مێرگەها بەهدینان گرێدەتن.

ئەو چەندەژی ئاشكراكر كو پشتی بەنداڤا دێرەلوكێ هاتیە ئاڤاكرن لسەر زێی مەزن نێزیك 25 میترا دكەڤیتە سەراڤا ڤێ پرێ چ پێ نەڤێت رەوشا پرێ ئێخستیە مەترسیێ دا لەورا پێدڤیە دەست پێكی ئەڤ پرە هاتبا نویژەنكرن كو یێ تەندەرێ دا هەی ، لێ هەتا ڤی دەمی كومپانیێ خوە ژبەر هاڤێتیە ژلایەكێ دیڤە لایەنێن پەیوەندیدار ژی چ گرنگی پێ نەدایە.

زەلالكر كو ئەڤ پرا گەلیا دڤێ رەوشی دا بیت یا كو هەی بێگومان مەترسیا هەرفتنێ لسەر هەیە و ئەز دشێم بێژم كو دێ جهەكێ كەفنار ل دەڤەرا مە ژناڤ چیت لەورا داخوازێ دكەین لایەنێن پەیوەندیدار ل هەوارا ڤێ پرێ بهێن.

PUKmedia ئانا دیدار