riklam

پەرلەمان بەدواداچوون بۆ داهاتی خاڵە سنورییەكان دەكات

عیراق 02:41 PM - 2022-07-15

ئەندامێكی ئەنجومەنی نوێنەران رایدەگەیەنێت: بەهۆی زۆری ژمارەی خاڵە سنووریەكانی عیراق لەگەڵ وڵاتانی دراوسێ، ساڵانە داهاتێكی زۆریان دەستدەكەوێت، ئاماژە بەوەشدەكات بەهۆی ئەو گەندەڵی و بەهەدەردانەی لە هەندێك لەو خاڵەسنورییانە هەیە، تەواوی داهاتەكانی ناگەڕێتەوە خەزێنەی حكومەت، دەشڵێت: وەك لیژنە تایبەتەكانی پەرلەمان فشاری زیاتر دەخەنە سەر لایەنی حكومەت و چاودێرییەكانیان چڕ دەكەنەوە.
د.نەرمین مەعروف ئەندامی لیژنەی دارایی و كاروباری ئابووری ئەنجومەنی نوێنەران بە PUKmediaی راگەیاند: بەگوێرەی بەدواداچونەكانمان خاڵە سنوورییەكانی عیراق و مەرزە نێودەوڵەتیەكان كە ژمارەیان دەگاتە 24 خاڵی سنوری بەدەریایی و وشكانی 15%ی كۆی گشتی داهاتی وڵات پێكدەهێنن.
وتیشی: لەبەر چەند هۆكارێك داهاتی ئەو كەرتە بەتەواوەتی ناگەڕێتەوە خەزێنەی حكومەت، هۆكاری سەرەكی گەندەڵی و نەبوونی دەسەڵاتی حكومەتە بەسەریان، بەڵكو لەهەندێك لەو مەرزانە لەلایەن ملیشیاو دەستڕۆیشتوەكانەوە كۆنترۆڵكراوە.

راشیگەیاند: لەبەشێكی خاڵە سنورییەكان رێگا بەهاوردەو هەناردەكردنی كەلوپەلی قەدەغەكراو ماوە بەسەرچوو دەدرێت، هاوكات وەك پێویست ئەو باج و رسوماتانە وەرناگیرێت كە بە گوێرەی یاساو رێنماییەكان دانراوە.
ئەو پەرلەمانتارە ئاماژەی بەوەشكرد: ئەو بارودۆخەی  لەخاڵە سنورییەكانی عیراق هەیە، جێگای نیگەرانی ئەندامانی پەرلەمانە وەك لایەنی چاودێر بەسەر حكومەت، بۆیە ئەركی سەرەكی لیژنەتایبەتەكانی پەرلەمان بەدواداچوون دەبێت بۆ ئەو مەرزانە، بۆ ئەوەی ئاستێك بۆ ئەو دیاردەیە دابنرێ، بەجۆرێك داهاتەكاتەی بۆ بەرژەوەندی هاوڵاتیان بگەڕێتەوە.
PUKmedia تەها عەبدوڵڵا


ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket