تورکیا نرخی ڤیزا بەرزدەکاتەوە

بەپێی ئەو بڕیارە تازەی کە لە وەزارەتی دەرەوەی تورکیا دەرچوە نرخی ڤیزای تورکیا بە تەنها بوە بە 60 دۆلار، لێپرسراوی کۆمپانیا و نوسینگە گەشتیاریەکانی شاری سلێمانیش دەڵێت، نرخی ڤیزا بەرز بوەتەو و نزم نەبوەتەوە.

عەتا ئەنوەر خدر لێپرسراوی کۆمپانیا و نوسینگە گەشتیارییەکانی شاری سلێمانی لە لێدوانێکی تایبەتدا بە PUKmediaی رایگەیاند: نرخی ڤیزا بەرز بوەتەو و نزم نەبوەتەوە، بەجۆرێک پێشتر ڤیزای تورکیا نرخی 125 دۆلار بوو، بەڵام ئەم بڕە پارە کۆمەڵێک شتی لەخۆ دەگرت بەم شێوەیە، 65 دۆلار پارەی دڵنیایی، 10 دۆلار پارەی گواستنەوە، 50 دۆلار بۆ رسومات، واتە کۆی گشتی دەیکردە 125 دۆلار.

ئاماژەشی بەوەدا: لەئێستادا رسوماتی ڤیزا لە 50 دۆلارەوە بوە بە 60 دۆلار، لە هەمان کاتیشدا کۆمپانیای دڵنیایی بڕەپارەی خۆی وەردەگرێت کە 65 دۆلارە، هەروەها 10 دۆلاری گواستنەوە وەردەگیرێت، کە کۆی گشتی دەکاتە 135 دۆلار، واتە نرخی ڤیزای تورکیا بەرز بوەتەوە و لە 125 دۆلارەوە بوە بە 135 دۆلار.

PUKmedia تایبەت