سەرۆکی ئەمریکا: رووبەڕووی ئێران دەبینەوە ئەگەر ببێتە مایەی هەڕەشە

لە کۆنفرانسێکی رۆژنامەوانیدا سەرۆکی ئەمریکا رایگەیاند، پابەندین بەرامبەر ئیسرائیل و رێگە نادەین ئێران بێتە خاوەنی چەکی ئەتۆمی.

لەمیانی سەردانەکەی بۆ ئیسرائیل، ئەمڕۆ پێنج شەممە جۆ بایدن سەرۆکی ئەمریگا رایگەیاند: ئەمە یەکەم سەردانم نییە و چەندینجار سەردانم کردوە و چاوم کەوتوە بە چەندین سەرۆکوەزیرانی پیشووتریش، خۆشەویستیم بۆ ئیسرائیل هەمیشە زیادی کردوە، ئەوەی لە دوودڵی دەرمدەکات ئەوەیە بتوانین کاربکەین پێکەوە و هاوپەیمانی باشمان هەبێت.

وتیشی: پێویست ناکات دوودڵ بم ئیسرائل هیچکاتێک چەکێکی نهێنی نەبوە کە جیهانی پێ بترسێنێت، دەبێت ئەوە بزانین لە هەموو جیهاندا دەبێت پێیکەوە کار بکەین و رووبەرووی هەرەشەکان ببینەوە.

ئاماژەشی بەودا: کاتێک من جێگری باراک ئۆباما بووم رێکەوتنێکی گرنگمان کرد تا بتوانین پەیوەندییەکان باشتر ببێت، من پشتیوانی ئیسرائیل دەبم، ئێمە دەتوانین کاری زیاتر بکەین و زیاتر بەرەوپێشەوە برۆین و زیاتر پاڵپشتی سوپای ئیسرائیل دەکەین.

سەرۆکی ئەمریکا ئەوەشی خستەروو: رووبەڕووی ئێران دەبینەوە ئەگەر ببێتە مایەی هەڕەشە، هەروەها پێویستە رێگری لە دابەشکردنی چەکی نایاسایی بکرێت و بتوانین کار بەیەکەوە زیاتربکەین.

سەرۆکی ئەمریکا ئەوەشی راگەیاند: کار دەکەین بۆ ئاشتی و سەلامەتی لەنێوان ئیسرائیل و فەلەستینیدا، پێویستە ئەو دوو وڵاتە وەک دوو دەوڵەتی سەقامگیر بمێننەوە.

PUKmedia ئاژانسەکان