زیاتر لە 100 هەزار گەشتیار روو لە سلێمانی دەكەن

وتەبێژی بەڕێوەبەرایەتی گەشتوگوزاری سلێمانی رایگەیاند، لەماوەی چەند رۆژی جەژندا رێژەیەكی زۆری گەشتیار روویان لە ناوچە گەشتیاریەكانی سلێمانی كردووە.

ئارام شوان وتەبێژی بەڕێوەبەرایەتی گەشتوگوزاری سلێمانی بە PUKmedia  ی راگەیاند: لە ماوەی شەش رۆژی رابردوودا زیاتر  لە 110 هەزار گەشتیار روویان لە سلێمانی كردووە، هاوكات پێشبینی دەكرێت لە رۆژانی داهاتوودا رێژەكە بۆ 125 هەزار گەشتیار زیادبكات.

ئاماژەی بەوەشكرد: بە پلەی یەكەم گەشتیاران خەڵكی ناوەراست و باشوری عیراقن و بە پلەی دووەم گەشتیارەكان خەڵكی رۆژهەڵاتی كوردستانن، هاوكات هاتنی گەشتیاران ئەمساڵ بۆ سلێمانی جموجۆڵێكی ئابووری باشی لە پارێزگاكە تۆماركردووە.

ئارام شوان راشیگەیاند: پێشبینی دەكرێت كە گەشتیاران زیاتر لە 20 ملیۆن دۆلار خەرجییان كردبێت لە سنووری  پارێزگاكەدا، هاوكات گەشتیاران لە رۆژدا روو لە ناوچە گەشتیارییە فێنكەكانی هەر یەك لە ئەحماوا،دوكان و ناوچە گەشتیاریە فێنكەكانی دیكەی پارێزگاكە،  بە شەوانیش سەردانی مۆڵ و شوێنە گشتییەكانی سلێمانی دەكەن.

ئارام شوان ئەوەشی خستەڕوو: رێژەی گەشتیاران بەراورد بە ساڵی رابردوو رێژەكە زیادیكردووە، لە كاتێكدا ساڵی پار 85 هەزار گەشتیار  سەردانی سلێمانیان كردووە بەڵام ئەمساڵ رێژەكە بە 50 هەزار گەشتیار زیادیكردووە.

PUKmedia جەمال سەرگەتی