نزیكەی 80 هەزار گەشتیار روو لە سلێمانی دەكەن

لەگەڵ هاتنی جەژنی قوربان،  لەماوەی دوو رۆژدا نزیكەی 80 هەزار گەشتیار بەمەبەستی گەشتكردن لە جەژندا روویان لە سلێمانی كردووە.

ئارام موزەفەر لێپرسراوی بازگەی تاسڵوجە بە  كوردسات ی راگەیاندووە: هەموو جۆرە ئامادەكارییەك كراوە بۆ پێشوازیكردن لە گەشتیاران  بەمەبەستی گەشتكردن لە سلێمانیدا،  هاوكات  رێژەی گەشتیاران لەماوەی دوو رۆژدا   نزیكەی 80 هەزار گەشتیارە كە  لەیەكەم و دووەم  رۆژی جەژن بەمەبەستی گەشتكردن روویان لە شارەكە كردووە.

راشیگەیاندووە: تیمی   پشكنینی جیاواز بوونی هەیە لە بازگەی  تاسڵوجە بۆ شكنینی گەشتیاران  بەمەبەستی كار ئاسانی لە پێشوازیكردنیان بۆ ناوچە گەشتیارییەكانی پارێزگاكە.

هاوكات لە یەكەم رۆژی جەژنی قورباندا ئاسایشی سلێمانی بازگەیەكی پشكنینی جیاوازیان كردەوە لە تاسڵوجە، كە بە بازگەیەكی نمونەی دادەنرێت لە سەر ئاستی هەرێمی كوردستان و عیراق،  ئەوەش بە بڕیاری سەرۆك بافڵ جەلال تاڵەبانی و هاوكاری قوباد  تاڵەبانی بۆ خزمەتی زیاتری شارەكە و ئاسانكاری  لە پێشوازیكردنی گەشتیاران لە كاتی هاتنیان بۆ سلێمانی.

PUKmedia