riklam

له‌فڕۆكه‌خانه‌یه‌كی فه‌ره‌نسا 35 هه‌زار جانتای گه‌شتیاران كه‌ڵه‌كه‌ بووه‌

جیهان 06:17 PM - 2022-07-08

له‌ئه‌نجامی كێشه‌ی هێڵه‌كانی كۆمپیته‌ر و مانگرتنی كارمه‌ندانی هێڵی ئاسمانی فه‌ڕه‌نسی (ئێرفه‌ڕه‌نس) 35 هه‌زار جانتای گه‌شییاران له‌فڕۆكه‌خانه‌ی ڕواسیی شارڵدۆگۆڵ كه‌ڵه‌كه‌ بووه‌. 

بۆ ده‌ستپێكردنی پشووی هاوینه‌و ده‌ستپێكردنی گه‌شته‌كان پاش كه‌مبوونه‌وه‌ی په‌تای كۆرۆنا و حه‌زووئاره‌زوه‌كانی فه‌ڕه‌نسیه‌كان بۆگه‌شتكردن له‌ زیادبووندایه‌، به‌ڵام واپێده‌چێت سه‌ره‌تای پشووی هاوینه‌ی ئه‌مساڵ به‌خراپ بۆ چه‌ند هه‌زار گه‌شتییارێك ده‌ستیپێكرد. 

ڕۆژانی شه‌ممه‌و یه‌ك شه‌ممه‌ی ڕابوردوو، له‌سه‌ر داوای ساندیكای گشتی كارێكاران، مانگرتن له‌هه‌ندێك سه‌كته‌ری فڕۆكه‌خانه‌ی نێوده‌وڵه‌تی ڕواسی شاڕڵدۆگۆڵ له‌پاریسی پایته‌ختی فه‌ڕه‌نسا به‌ڕێوه‌چوو، هه‌رله‌هه‌مانكاتدا كێشه‌یه‌كی گرنگی ئه‌لكترۆنی له‌ تۆڕه‌ ئینفۆڕماتیكه‌كاندا دروستبوو به‌شێوه‌یه‌ك هه‌موو كۆمپیوته‌ره‌كانی سه‌ر به‌هێڵی ئاسمانی فه‌ڕه‌نسی (ئێرفه‌ڕه‌نس) بۆ تۆماركردنی جانتاو كه‌لوپه‌لی گه‌شتییاران له‌كاركه‌وت و به‌و هۆیه‌شه‌وه‌ به‌هه‌زاران جانتا كه‌ڵه‌كه‌بوون و بووه‌ هۆكاری گرفتێكی هێجگار زۆر له‌ فڕۆكه‌خانه‌ی ڕواسی.

سه‌رچاوه‌یه‌ك له‌ فڕۆكه‌خانه‌ی ڕواسیی شارڵدگۆل ڕایگه‌یاند: كه‌ له‌٪50ی گه‌شتیاران به‌بێ جانتاكانیان گه‌شتیان كردوه‌، وه‌زیری نوێی هاتوچۆی (كلێمون بیۆنێ) له‌ میدیاكانه‌وه‌ ڕایگه‌یاند: هێشتا 20هه‌زار جانتا له‌فڕۆخانه‌ ماوه‌و تائێستا نه‌گه‌یشتۆته‌ ده‌ستی خاوه‌نه‌كانیان و ماوه‌ی 5 تا 7ڕۆژ پێویسته‌ بۆئه‌وه‌ی ئه‌وجانتایانه‌ بگه‌یه‌نیینه‌وه‌ خاوه‌نه‌كانیان له‌ وڵات و له‌ده‌ره‌وه‌ی وڵات، ئه‌و كێشه‌یه‌ كۆتایی پێ بێت.

هه‌رله‌سه‌ره‌تای هه‌فته‌ی ڕابوردووه‌وه‌، به‌ڕیوه‌به‌رایه‌تی گشتی ئێرفه‌ڕه‌نس، به‌نامه‌ له‌ڕێگای مۆباییله‌وه‌، داوای لێبووردنی له‌هه‌موو ئه‌و گه‌شتییارانه‌ كرد و دڵنییای كردنه‌وه‌ له‌وه‌ی، هه‌وڵئه‌دات به‌زووتیرن كات جانتاكانیان بۆ بگه‌ڕێنێته‌وه‌و قه‌ره‌بووی هه‌موو جانتایه‌كی دیارنه‌ماو له‌ماوه‌ی 21ڕۆژدا ده‌كرێته‌وه‌ تا ڕێژه‌ی 1607ئیرۆ بۆ هه‌موو جانتایه‌كی ونبوو.

شایه‌نی باسه‌، تائێستا ژماره‌یه‌ك له‌گه‌شتییاران له‌ ناوه‌وه‌و ده‌ره‌وه‌ی وڵات جانتاكانیان بۆ گه‌ڕاوه‌ته‌وه‌ ، وابڕیاریشه‌ له‌ماوه‌ی هه‌فته‌یه‌كدا ته‌واوی ئه‌و 20هه‌زاره‌ جانتایانه‌ بگاته‌وه‌ ده‌ستی خاوه‌نه‌كانیان،جا ئه‌گه‌ر له‌ وڵاتبن یان له‌ شوێنی پشووی هاوینه‌یان له‌ده‌ره‌وه‌ی وڵات .

PUKmedia  حه‌مه‌ عوسمان / فه‌ڕه‌نسا 
س/میدیاكان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket