سه‌رۆك وه‌زیرانی پێشووی ژاپۆن گیانی له‌ده‌ستدا

به‌ره‌به‌یانی ئه‌مڕ‌ۆ هه‌ینی، شینزۆ ئابێ، سه‌رۆك وه‌زیرانی پێشووی ژاپۆن له‌ كاتی به‌شداریكردنی له‌ بانگه‌شه‌ی هه‌ڵبژاردندا، له‌ رۆژئاوای وڵاته‌كه‌ی، ته‌قه‌ی لێكراو به‌ سه‌ختی برینداربوو، پاش مانه‌وه‌ی بۆ چه‌ند سه‌عاتێك له‌ نه‌خۆشخانه‌ گیانی له‌ده‌ستدا.

ته‌له‌فزیۆنی ره‌سمی ژاپۆن گیانی له‌ده‌ستدانی سه‌رۆك وه‌زیرانی پێشووی وڵاته‌كه‌ی راگه‌یاند.

شینزۆر ئابی سه‌رۆكی وه‌زیرانی پێشووی ژاپۆن، له‌كاتی قسه‌كردن له‌ كۆبوونه‌وه‌یه‌كی تایبه‌ت به‌ ھه‌ڵبژاردن، ڕ‌ووبه‌ڕ‌ووی ھێرشێكی چه‌كداری بۆیه‌وه‌ و به‌ سه‌ختی بریندار كراوه‌ و له‌شوێنی ڕ‌وداوه‌كه‌ له‌ھۆش خۆی چووه‌.

ڕ‌وداوه‌كه‌ له‌شاری نارای خۆرئاوای ئه‌و وڵاته‌ بووه‌و له‌ كاتی ھێرشه‌كه‌دا ده‌نگی ته‌قه‌ بیستراوه‌و له‌شوێنی ڕ‌وداوه‌كه‌ش كه‌سێكی گومانلێكراو ده‌ستگیر كرا.

دوای ئه‌وه‌ی به‌ برینداری سه‌رۆك وه‌زیرانی پێشووی ژاپۆن گه‌یه‌نراوه‌ته‌ نه‌خۆشخانه‌، به‌ڵام كه‌مێك پێش ئێستا ته‌له‌فزیۆنی ره‌سمی ئه‌و وڵاته‌، گیان له‌ده‌ستدانی شینزۆر ئابی راگه‌یاند.

له‌سه‌ر ڕ‌وداوه‌كه‌ ده‌سه‌ڵاتدارانی ژاپۆن لێكۆڵینه‌وه‌یه‌كیان ده‌ستپێكردووه‌و ڕ‌وداوه‌كه‌ش بۆ شه‌قامی ژاپۆنی مایه‌ی شۆكه‌، به‌ڵام تائێستا ئاشكرا نییه‌ پاڵنه‌ری ڕ‌وداوه‌كه‌ چییه‌.

شینزۆ ئابی دووجار پۆستی سه‌رۆك وه‌زیرانی ژاپۆنی وه‌رگرتووه‌، به‌ڵام ھه‌ردوو جاره‌كه‌ به‌ھۆی خراپی باری ته‌ندروستییه‌وه‌ ده‌ستی له‌پۆسته‌كه‌ی كێشاوه‌ته‌وه‌.

PUKmedia ئاژانسه‌كان