سلێمانی..هاتنی جەژنی قوربان بازاڕەكان گەرم دەكات

لەگەڵ نزیكبوونەوەی جەژنی قوربان بازاڕەكانی سلێمانی جمەی دێت و هاوكات بەرزبوونەوەی  نرخی شتومەك كاری لە هاووڵاتیان نەكردووەو هەر بەردەوامن لە شتوومەك كڕین.

لەوبارەیەوە سامان سەعید یەكێك لە خاوەن فرۆشگاكانی بازاڕی سلێمانی بە PUKmedia  ی راگەیاند: بازاڕەكانمان لە چەند ساڵی رابردوودا بەم شێوەیەی ئەمساڵ قەرەباڵەغی بەخۆوە نەدیووە،  بەهۆی هاتنی كۆرۆنا پێش دوو ساڵ و بوونی قەیرانی ئابووری و دواكەوتنی موچەی هاووڵاتیان بازاڕەكانی سلێمانی كپكرابوون. 

وتیشی: لە ئێستادا بازاڕەكانی سلێمانی جمەی دێت و هاوكات لە گەڵ هاتنی  وەرزی گەشتیاری ئەمساڵ بازاڕی سلێمانی جموجۆڵێكی زۆری تێكەوتووە، ئەمەش بەهۆی هاتنی گەشتیارانی عەرەبە و هاوكات سەقامگیربوونی ئاسایش و ئارامی شارەكەیە.

سامان سەعید ئاماژەی بەوەشكرد: نرخی شمەكەكان لەگەڵ هاتنی جەژنی قوربان گۆڕانكاری بەسەردادێت، ئەوەش گۆرانێكی ئاساییە چونكە  ساڵانە لەگەڵ هاتنی جەژن  روودەدات.

هەر لەوبارەیەوە  كڕیارێك لە ناو بازاڕی سلێمانی بە PUKmedia  ی راگەیاند: نرخەكان بە شێوەیەكی بەرچاو بەرزبووەتەوە، بەتایبەتی نرخی شیرینی، سەرەڕای بەرزبوونەوەی نرخی شمەكەكان ناچارین بیانكڕین.

PUKmedia عەدنان جاف