دادگای كەركوك كورد لە پۆست بێبەش دەكات

دوای ئەوەی بەهۆی دەرهاویشتەكانی ریفراندۆم لەكەركوك كورد زیاتر لە 120 پۆستی ئیداری دام و دەزگا ئیدارییەكانی پارێزگاكەی لەدەستداوە، هاوكات لەدادگای كەركوك كورد هیچ پۆستێكی ئیداریی بەدەستەوە نەما.

لەو بارەیەوە سەرچاوەیەكی نزیك لەدادگای كەركوك  بە PUKmedia ی راگەیاند:  لەچەند رۆژی رابردوودا دواین پۆستی ئیداریی لەدادگای كەركوك كەپۆستی بەڕێوەبەری ئیدارەی دادگاكەبوو، بەدەستی كوردەوە نەما.  ئەو پۆستە بەدەستی جەبار مەحمودەوە بوو، دوای خانەنشینبوونی ئەو پۆستەش لەدەستی كورد دا نەما و توركمانێك لەجێگەی جێگیركراوە.

ئەو سەرچاوەیە ئاماژەی بەوەشكرد: لەئێستادا لەسەرۆكی دادگاكەوە كەكەسێكی عەرەبە بەناوی قاسم جومێلی تا هەموو پۆستە ئیداریەكانی دیگەی ناو دادگای تێهەڵچونەوەی كەركوك بەدەستی عەرەب و توركمانەوەیە.

سەرچاوەكە وتیشی: ئەو پێگانەی كورد لەناو دادگای تێهەڵچونەوەی كەركوك ماویەتی تەنها چەند حاكمێكی كوردن كە بەپەنجەی دەست دەژمێردرێن.

ئەوەشی خستەڕوو: لەناو حاكمەكانیش ژمارەی حاكمە عەرەبەكان بەپلەی یەكەم ۆ حاكمە توركمانەكان بەپلەی دووەم و  ژمارەی حاكمە كوردەكان بەپلەی سێهەم دێن، ئاشكراشیكرد دادگای تێهەڵچونەوەی كەركوك بەرپرسە لەهەموو دادگاكانی سنووری پارێزگای كەركوك و پەیوەندی دادگاكە بەئەنجومەنی باڵای قەزاوەیە لەعیراق كە فایەق رێدان سەرپەرشتی دەكات.

PUKmedia محەمەد ئەحمەد