قوباد تاڵەبانی: بەرەو ئامانجەکانمان هەنگاو دەنێین

ئەمڕۆ قوباد تاڵه‌بانی جێگری سه‌رۆك وه‌زیرانی حكومه‌تی هه‌رێمی كوردستان هەریەک لە نەخۆشخانەکانی هەناوی و نەخۆشخانەی منداڵانی لە سلێمانی کردەوە و لە پەیامێکیشدا لە پەڕەی تایبەتی خۆی لە فەیسبووک رایگەیاند، بە هاوکاری پزیشک و کارمەندە بە تواناکانمان بەرەو ئامانجەکانمان هەنگاو دەنێین.

دەقی پەیامەکە:

سەرباری هەموو کەموکوڕییەکان و 8ساڵ قەیرانی دارایی، کەرتی تەندروستی پارێزگای سلێمانی بە هەوڵ و هیمەتی بەڕێوەبەران و پزیشکان و کارمەندەکانی باشترینە لەسەر ئاستی عێراقدا.

 لەپێناو باشترکردنی خزمەتگوزاریی تەندروستی بە خۆشحاڵییەوە ئەمڕۆ لە شاری سلێمانی دوو نەخۆشخانەی کۆئەندامی هەرس و جگەری فێرکاری و نەخۆشخانەی دکتۆر جەمال ئەحمەد رەشیدی تایبەت بە منداڵانمان کردەوە.

بە وردی ئاگاداری کەموکورتییەکانی کەرتی تەندروستین، کار و پڕۆژەی گەورەترمان بە دەستەوەیە و بە پشتبەستن و بە هاوکاری پزیشک و کارمەندە بە تواناکانمان بەرەو ئامانجەکانمان هەنگاو دەنێین.

سوپاسی کۆمپانیای قەیوان دەکەم ئەرکی دروستکردنی نەخۆشخانەی دکتۆر جەمال ئەحمەد رەشیدی لەئەستۆگرت.

PUKmedia تایبەت