بە بیابانبوون هەڕەشە لە عیراق دەكات

سەرچاوە:GLOBE

وەزارەتی كشتوكاڵی عیراق رایگەیاند، دوو هۆكار هەیە بۆ سەرنەكەوتنی  پلانی كشتوكاڵ و زیادبوونی رێژەی بیابان لە وڵاتەكە بە شێوەیەك كە بیابان 15%  چەند ناوچەیەكی عیراقی گرتووەتەوە.

وەزارەتی كشتوكاڵی عیراق رایگەیاندووە، نزیكەی 27 ملیۆن دۆنم زەوی وڵاتەكە بە بیابان بوون، كە دەكاتە 15% ی رووبەری عیراق و  هەڕەشەی بە بیابانبوونی 55% ی ناوچەكانی دیكەی عیراق هەیە.

لەو بارەیەوە راویە مەزعەل بەڕێوەبەری گشتی فەرمانگەی دارستانەكان و بەرەنگاربوونەوەی وشكەساڵی لە وەزارەتی كشتوكاڵی عیراق لە كۆنفرانسێكدا رایگەیاند: بۆ خزمەتكردنی كەرتی كوشتوكاڵی رووەك و ئاژەڵ پشت بە ئاو دەبەسترێت، لەكاتێكدا كەمی بارانبارین لە ساڵی 2021 دا كاریگەری لەسەر كشتوكاڵ هەبووە.

وتیشی: رێگری كردن لە بە بیابانبوونی عیراق پێویستی بە كۆششی زیاتر هەیە و گرفتەكە تەنها بە وەزارەتی كشتوكاڵ چارەسەر ناكرێت.

راویە مەزعەل ئەوەشی خستوەتەڕوو: لەدەستدانی زەوییە كشتوكاڵییەكان و گۆڕانیان بۆ بیابان دەگەڕێتەوە بۆ سەرنەكەوتنی پلانی كشتوكاڵی لەو ناوچانە.

PUKmedia ئاژانسەكان