90 هەزار کەس فۆرمیان بۆ یەکەی نیشتەجێبوون پڕکردۆتەوە
کوردستان 10:20 PM - 2022-06-30
ئەمڕۆ پێنج شەممە 30-6-2022، بەمەبەستی تاووتوێكردنی پرسی یەكەكانی نیشتەجێبوون و وەرگرتنی زانیاریی ورد لەسەر میكانیزمی دروستكردن و دابەشكردنی 20 هەزار یەكەی نیشتەجێبوون بۆ كرێنشینان و كەسانی كەمدەرامەت كۆبوونەوەیەك ئەنجامدرا.
نیوەڕۆی ئەمڕۆ پێنج شەممە 30-6-2022 لیژنەی ئاوەدانكردنە و وەبەرهێنان، بەسەرپەرشتیی هاوڕێ مەلا ستار، سەرۆكی لیژنە و ئامادەبوونی جێگری سەرۆكی لیژنە و بڕیاردەر و ئەندامان و ڕاوێژكارانی لیژنەكە، لە هۆڵی پەناگیری لە تەلاری پەرلەمان لەگەڵ د. محەمەد شوكری سەرۆكی دەستەی وەبەرهێنان و شاندی یاوەری كۆبووەوە.
سەرەتای كۆبوونەوەكە سەرۆكی لیژنەكەی پەرلەمان وێڕای پێشوازیكردن لە سەرۆكی دەستەی وەبەرهێنان و شاندی یاوەری، ئامانجی كۆبوونەوەكەی روونكردەوە، بەمەبەستی ئەوەی لەنزیكەوە ئاگاداربێت لە پرسی درووستكردنی یەكەكانی نیشتەجێبوونە و داوای لە سەرۆكی دەستەكە كرد روونكردنەوەی پێویست لەسەر شێوازی دروستكردن و میكانیزمی دابەشكردنی و جۆر و كوالێتی ئەو یەكانەی نیشتەجێبوون بخاتە بەردەم ئەندامانی لیژنەكە.
سەرۆكی دەستەی وەبەرهێنان رایگەیاند: لەماوەی دوو هەفتەی رابردوودا پڕكردنەوەی فۆڕمی دابەشكردن دەستیپێكردووە و تائێستا نزیكەی 90 هەزار كەس لە پارێزگا و ئیدارە سەربەخۆكان فۆڕمیان پێشكەش كردووە، و پرۆسەكە تا ڕۆژی 2-7-2022، بەردەوام دەبێت.
راشیگەیاند: جگە لەو خێزانانەی ژیانی هاوسەرگیرییان پێكهێناوە، ئەو كوڕ و كچانەی كە تەمەنیان لە 30 ساڵ زیاترە و ژیانی هاوسەرگیرییان پێكنەهێناوە، مافی ئەوەیان هەیە فۆڕمەكە پڕ بكەنەوە، ئاماژەی بەوەش كرد شوقەكان بەپێی ژمارەی دانیشتووان بەسەر پارێزگا و ئیدارە سەربەخۆكاندا دابەش دەكرێت.
سەرۆكی دەستەی وەبەرهێنان وتیشی: سەبارەت بە قەبارەی شوقەكانیش، سێ جۆر شوقەی جیاوازن، بەشێكیان 80م و بەشێكیان 100م و بەشێكی دیكەیان 120م دەبێت.
د. محەمەد شوكری ئاماژەی بەوەشكرد: شێوازی پارە وەگرتنەكەش ، بە ڕێژەی 30% ی نرخی شوقەكە لە كەسانی سوودمەند وەردەگیرێت و بڕی پارەی قەرزەكە لەماوەی 12بۆ 15ساڵ بە قیستی مانگانە تەواو دەكرێت.
لە كۆتایی كۆبوونەوەكەشدا، ئەندامانی لیژنەكەی پەرلەمان كۆمەڵێك سەرنج و تێبینییان خستەبەر دەستی سەرۆكی دەستەكە و راشیانگەیاند: پێویستە بەزووترین كات ئەم پڕِۆژەیە بخرێتە بواری جێبەجێكردن و پڕِۆژەی هاوشێوەی تری بەدوادا بێت، بۆئەوەی زۆرترین خەڵكی شایستە سوودمەند ببێت.
دوابەدوای كۆبوونەوەكەش، سەرۆكی لیژنەی ئاوەدانكردنەوە و وەبەرهێنان و سەرۆكی دەستەی وەبەرهێنان، لە كۆنگرەیەكی رۆژنامەوانیی هاوبەشدا ناوەڕۆكی كۆبوونەوەكەیان بۆ دەزگاكانی ڕاگەیاندن خستەڕوو.
PUKmedia
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
کوردستان 09:14 AM - 2024-04-24