قەدەغەكردنی چەكی بێ مۆڵەت ئیدارەی راپەرینیش دەگرێتەوە

ئەمڕۆ پێنج شەممە 30-6-2022 ئیدارەی راپەرین  رایگەیاند، قەدەغەكردنی چەكی بێ مۆڵەت بۆ پاراستنی ئەمنییەت و ئاسایشی هاووڵاتیان و كەمكردنەوەی رووداوی نەخوازراوی كوشتن و هەڵكوتانە بۆ سەر ماڵی خەڵك.

دەقی راگەیەندراوەكە:

 بە مەبەستی جێبەجێ كردنی فەرمانی سەرۆكی ئەنجومەنی وەزیران و بە ئامانجی سنوورداركردنی دیاردەی ناشارستانیی چەك هەڵگرتن سەعات چواری ئێوارەی ئەمڕۆ 30-6-2022 سەرپەرشتیاری ئیدارەی ڕاپەرین سەرپەرشتیی كوبوونەوەی لیژنەی باڵای ئەمنیی راپەرینی كرد .

 لە كۆبوونەوەكەدا  زەروورەتی جێبەجێ كردنی ئەم بڕیارە بۆ پاراستنی ئەمنییەت و ئاسایشی هاووڵاتیان و كەمكردنەوەی رووداوی نەخوازراوی كوشتن و هەڵكوتانەسەر خەڵك تەئكیدی لێكرایەوە و لایەنە پەیوەندیدارەكان راسپێردران بە وردی و حەكیمانە میكانیزمی گونجاو و كردەیی بۆ جێبەجێكردنی بگرنەبەر ،  تا بە هەوڵ و كۆششی هەموو لایەك دەرەتانی ژیانێكی ئارام و ئاسوودە بۆ هاووڵاتیانی سنوورەكەمان فەراهەم بكەین.

PUKmedia راگەیەنراوی ئیدارەی گەرمیان