riklam

چەند پێشنیارێك بۆ رێگریكردن لە توندوتیژی دەخرێنەڕوو

کوردستان 05:04 PM - 2022-06-30

ئەمڕۆ پێنج شەممە 30-6-2022 كۆمەڵەی كۆمەڵناسان و دەروونناسان لە بەیاننامەیەكدا رایانگەیاند، هۆكاری چارەسەرنەكردنی كێشەكان  بۆ نەبوونی سەنتەری توێژەرانی كۆمەڵایەتی و دەروونییە لەگەرەكەكانداو دانەمەزراندنی دەرچووانی كۆمەڵناسی و دەروونناسی و كاری كۆمەڵایەتی دەگەڕێنێتەوە.

ئەمەش دەقی بەیاننامەكەیە:
بەیاننامەیەك لەكۆمەڵەی كۆمەڵناسان و دەروونناسانی كوردستانەوە سەبارەت بە زیادبوونی كوشتن و توندوتیژی 
بەرێزان / سەرۆكایەتی ئەنجومەنی وەزیرانی حكومەتی هەرێمی كوردستان 
سەرۆكایەتی پەرلەمانی كوردستان
   بەرێزان وەك كۆمەڵناسان و دەروونناسان و توێژەرانی كۆمەڵایەتی و دەروونی ڕایدەگەیەنین كەهۆكاری زیادبوونی كوشتن و توندوتیژی، چارەسەرنەكردنی كێشە كۆمەڵایەتی و دەروونییەكانە، كەرۆژ بەرۆژ لەزیادبووندان، هۆكاری چارەسەرنەكردنی كێشەكانیش، نەبوونی سەنتەری توێژەرانی كۆمەڵایەتی و دەروونییە لەگەرەكەكانداو دانەمەزراندنی دەرچووانی كۆمەڵناسی و دەروونناسی و كاری كۆمەڵایەتییە، وەك ئەوە وایە كە نەخۆشی كۆرۆناو كۆلێرا بڵاوبووەوە، نەخۆشخانەو پزیشكمان نەبێت!! وەك پسپۆری بوارە كۆمەڵایەتی و دەروونییەكان و ئەمانەتی زانستی و پیشەیی، بۆ چارەسەركردنی كێشە كۆمەڵایەتی و دەروونییەكان و كەمكردنەوەی دیاردەی كوشتن و توندوتیژی داوا لەبەرێزتان دەكەین كە:
1- لەهەموو گەرەكێكدا چۆن نەخۆشخانەو قوتابخانە هەیە، سەنتەری خزمەتگوزاری دەروونی و كۆمەڵایەتی دابمەزرێنن و ستافێك لە دەروونناس و كۆمەڵناسی بۆ دابنێن.

2- لەهەموو قوتابخانەو زانكۆو پەیمانگایەكدا، توێژەری دەروونی وكۆمەڵایەتی دابمەزرێنن.

لەگەڵ رێزدا
PUKmedia كۆمەڵەی كۆمەڵناسان و دەروونناسانی كوردستان سلێمانی

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket