خولێك بۆ بەرزكردنەوەی توانای میدیاكاران بەڕێوەدەچێت

بەشی نەخشەدانانی مەكتەبی راگەیاندن خولێك بۆ بەرزكردنەوەی ئاست و توانا و لێوەشاوەی راگەیاندنكاران دەكاتەوە.

ئەمڕۆ پێنج شەممە 30-6-2022،  بەشی نەخشەدانانی مەكتەبی راگەیاندن بە هاوكاری دەزگای میدیایی كەركوك خولێكی دوو رۆژەی  لە هۆڵی ناوەندی پێگەیاندنی عادل موراد لە شاری كەركوك كردەوە ، خولەكە بۆ بەرزكردنەوەی ئاست و توانا ولێوەشاوەی راگەیاندكارانی دەزگای میدیایی كەركوك و راگەیاندنی  مەڵبەندەكانی سنووری پارێزگای كەركوكە، خولەكە بۆ ماوەی دوو رۆژ  بەردەوام دەبێت،  لەلایەن كۆمەڵەێک مامۆستا و پسپۆری  زانستی میدیاییەوە وانەکان دەوترێتەوە.

مەلا ئاریان ئەندامی مەكتەبی راگەیاندنی یەكێتی  لە لێدوانێكیدا بۆ  PUKmedia  وتی: ئاستی بەشداریكردنی راگەیاندنكارانی دەزگای میدیایی كەركوك لە خولەكە لە ئاستێكی باشدا بووە و خولەکە بە شێوەیەكی ئەكادیمی بەڕێوەدەچێت.

PUKmedia تایبەت