تەندروستی جیهانی: ئاوڵەی مەیموون مەترسیدار نییە

ڕێكخراوی تەندروستی جیهانی ڕایگەیاند: سەرهەڵدانی پەتای ئاوڵەی مەیموون لە ئێستادا مەترسیدار نییە و هاوكات پێویستە چاودێری ورد لەوبارەیەوە بكرێت. 

ڕێكخراوەكە ڕایگەیاندووە: هەرچەندە تا ئێستا زیاتر لە سێ هەزار كەس لە 50 وڵاتی جیهان تووشی ئەو پەتایە بوون، بەڵام مەترسیدار نییە و دەبێت لە چەند هەفتەی ئایندەدا سەبارەت بەو پەتایە بڕیار دەربكرێت. 

 تەندروستی جیهانی باسی لەوەشكردووە تا ئێستا ئەو پەتایە گرنگی پێنەدرابوو بە تایبەتی لەناو وڵاتانی ئەفریقادا، هەر بۆیە دەبێت گرنگی پێبدرێت و ڕێنماییە خۆپارێزییەكان لەبەر چاو بگیردرێت.
PUKmedia ئاژانسەكان