ئەمین بابە شێخ: پێویستە حكومەت ژیانی مامۆستایان بپارێزێت

لەبارەی رووداوی كوشتنی دوو مامۆستای زانكۆی سەڵاحەدین لەلایەن خوێندكارێكەوە، ئەمین بابە شێخ ئەندامی مەكتەبی سیاسی و لێپرسراوی پەیوەندییەكانی یەكێتی پەیامێكی بڵاوكردەوە و رایگەیاند، دژی هەر جۆرە پەلاماردان و توندوو تیژییەكین بەرامبەر بە شكۆی زانكۆ و ناوەندەكانی خوێندن ئەنجام بدرێت و داواشی لە حكومەت كرد رێكاری یاسایی و مەدەنیانە بۆ پاراستنی مامۆستایان و كارمەندانی زانكۆ بگرێتەبەر.

دەقی پەیامەكە:

بە توندی سەركۆنەی كوشتنی هەردوو مامۆستایان دكتۆر كاوان و دكتۆر ئیدریس لە زانكۆی سەڵاحەدین دەكەین و دژی هەر جۆرە پەلاماردان و توندو و تیژییەكین كە بەرامبەر بە شكۆی زانكۆ و ناوەندەكانی خوێندن ئەنجام بدرێت، بۆ رێگریكردن لەم دیاردە ترسناك و نەخوازراوەنە، داوا لە حكومەتی هەرێم دەكەین، رێكارە یاسایی و مەدەنییەكان بۆ پاراستنی ژیانی مامۆستا و كارمەندانی زانكۆ و خوێندنگەكان چڕتر بكرێتەوە، و هەروەها هەڵگرتنی چەك بە جۆرێك بێت كە تەنها لای هێزە نیزاميیەكانی حكومەتەوە بێت. 

PUKmedia تایبەت