تەقە لە راگری كۆلێژێكی زانكۆی سەڵاحەدین دەكرێت

تەقە لە د. كاوان ئیسماعیل راگری كۆلێژی یاسای زانكۆی سەڵاحەدین كرا و بریندار كرا،  دەستبەجێش گەیەنرایە نەخۆشخانە.

پەیامنێرمان لە هەولێر رایگەیاند: سەر لە بەیانی ئەمڕۆ 28-6-2022، خوێندكارێكی زانكۆی سۆران تەقەی لە د. كاوان ئیسماعیل راگری كۆلێژی یاسای زانكۆی سەڵاحەدین و كارمەندێكی زانكۆكە كرد و برینداری كردوون، دەستبەجێ گەیەنراونەتە نەخۆشخانە.

راشیگەیاند: لێكۆڵینەوەی پۆلیس لە رووداوەكە دەستیپێكردووە و بەپێی زانیارییە سەرەتاییەكان كێشەكە بەهۆی گواستنەوە بووە و ئەو خوێندكارە چەند جارێك داوای گواستنەوەی بۆ زانكۆی سەلاحەدین كردووە.

ئەوەشی راگەیاند: گوللەكان بەر سەر و سنگی د. كاوان ئیسماعیل كەوتووە و لە ئێستادا نەشتەرگەری بۆ ئەنجامدەدرێت.

دوابەدوای رووداوەكەش تەقەكەرەكە چووەتە ماڵی مامۆستایەكی كۆلێژی ئەندازیاری زانكۆی سەلاحەدین بە ناوی د. ئیدریس عیزەت حەمەخان و كوشتوویەتی كە لە كۆمەڵگەیەكی نیشتەجێبوون لە نزیك زانكۆكە ژیاوە.

PUKmedia تایبەت