کتێبێکی کۆچکردو عەباس بەدری بڵاودەکرێتەوە

ئێوارەی ئەمڕۆ 25-6-2022 لە هۆڵی خاك ، مەكتەبی راگەیاندنی یەكێتیی نیشتیمانیی كوردستان مەراسیمێكی رێكخست بۆ ناساندن و بڵاوكردنەوەی كتێبی (مقالات و رۆی فی النور)ی نوسەری كۆچكردو  عەباس بەدری .
سەرەتای مەراسیمەكە بەوەستانی ساتێك بۆ گیانی پاكی شەهیدان دەستیپێكرد، دواتر كورتە فیلمێك لەسەر ژیان و قۆناغەكانی كاركردنی راگەیاندنی رۆژنامەنوس عەباس بەدری نمایشكرا. 
لە وتەیەكدا ستران عەبدوڵڵا، لێپرسراوی مەكتەبی راگەیاندنی یەكێتیی نیشتمانیی كوردستان باسی لە ناوەرۆكی كتێبەكەو ئەدەبیاتی نوسین لای عەباس بەدری كرد. 
لەبەشێكی تری مەراسیمەكەدا هەریەك لە فەرید ئەسەسەرد، یوسف زۆزانی، فریاد رەواندزی، هاوڕێیانی عەباس بەدری چەندین یادەوەرییان لەسەر ئەزموونی ژیان و كاری رۆژنامەوانیی عەباس بەدری باسكرد . 
لەكۆتایی مەراسیمەكەشدا كتێبەكە لەلایەن  بنەماڵەی رۆژنامەنوسی كۆچكردوو عەباس بەدرییەوە وەك دیاریی پێشكەش بەئامادەبوان كرا.
PUKmedia ڤینۆس تۆفیق