حكومەتی هەرێم و فیدڕاڵ لەڕێگەی سیستمی ئەلیكترۆنییەوە بەیەكەوە دەبەسترێنەوە

سەنتەری نیشتمانی زانیارییەكان لەئەمیندارێتی ئەنجومەنی وەزیرانی فیدڕاڵ ئەمڕۆ پێنجشەممە رایگەیاند بەهەماهەنگی لەگەڵ نوێنەرایەتی حكومەتی هەرێمی كوردستان لەبەغدای پایتەخت بەستنەوەی ئەلیكترۆنی لەنێوان دامەزراوەكانی نێوان حكومەتی فیدڕاڵ و هەرێمی كوردستان تەواودەكرێن.

سەنتەرەكە لەڕاگەیەنراوێكدا كە PUKmedia بەدواداچوونی بۆ كردووە بڵاویشیكردۆتەوە كە ئەو پرۆسەیەی بەستنەوەیە بەهەماهەنگی لەگەڵ نوێنەرایەتی حكومەتی هەرێمی كوردستان ئەنجامدەدرێت، مەبەستیش لێی ئاسانكاری و خێرا راپەڕاندنی مامەڵەی هاووڵاتییانە، ڕێگەی دەستەبەربوونی خزمەتگوزاری ئیمزاكردنی پۆستی ئەلیكترۆنی رۆڵی دەبێت لەكەمكردنەوەی كات و كورتكردنەوەی ئەرك و ووردی لەتێچوون و بەرەنگاربوونەوەی گەندەڵی.

سەنتەرەكە راشیگەیاند كارمەندانی سەنتەری نیشتمانی زانیارییەكان هەڵدەستن بەئەنجامدانی رێكارەكانی كاركردن و بەهەماهەنگی لەگەڵ نوێنەرایەتی حكومەتی هەرێمی كوردستانەوە پرۆسەی بەئەلیكترۆنیكردنە تەواو دەكرێت، بەو پێیەی ئەڵقەی پێكگەیشتنی نێوان دامەزراوەكانی هەرێمی كوردستان و حكومەتی فیدڕاڵییە.

PUKmedia راگەیاندنی سەنتەری نیشتمانی زانیارییەكان