خولا مەشق و راهێنانا پولیسان بناڤێ شەهید میهڤان شکری بدوماهی هات

پشتی بەشداریا زێدەتر ژ 300 پولیسان دخولا مەشق وراهێنانێ یا پلە بەرزکرنا رێپێدراو و پولیسان ل پارێزگەها دهوکی خول ب چەندین نمایشێن سەربازی بدوماهی هات . 

عەمید فەخری ئەحمەد، رێڤەبەرێ پولیسێن پاڕێزگەها دهوکێ وسەرپەرشتێ ڤێ خولێ راگەهاند و گوت بەردەوام خولێن مەشق و راهێنانێن سەربازی دهێنە ڤەکرن بو پولیس وئەفسەران پێخەمەت بەرزکرنا شیانێن پولیسان وئەف خولە بو دەمێ سێ حەفتیان یا بەردەوام بو ل گورەپانا مەشق وراهێنانێ ل ڕێڤەبەریا پولیسێن پارێزگەها دهوکێ وئەڤرو خول داوی هات هەر دپەیڤا خودا رێڤەبەرێ پولیسان سەرەخوشێ ل مالباتا پولیس میهڤان شکری ئەبو زێد کر یێ کو ل دەمێ مەشق و راهێنانێ دا بەریا چەند روشا ب گولەیان کلاشینکوڤێ هاتیە هنگافتن وشەهید بوی وهەڤالەکی وی یێ پولیس برینداربوی لدوماهی عەمید فەخری ئەحمەد، ڕاگەهاند کو دێ ئەف خولە دبەردەوام بن ژبومەشق وراهێنانا پولیسان . 

دهێتە زانین کو دڤێ خولێدا زێدەتر ژ 300 پولیس بەشدارببون.

PUKmedia بەیار ئامێدی