لەهەولێر ژمارەی توشبوان بەكۆلێرا زیاد دەكات

بەڕێوەبەری تەندروستی هەولێر رایگەیاند: ئەنجامی پشكنینی ژمارەیەك نەخۆشی تر دەرچووە كە تووشی كۆلێرا بوون و بەوەش ژمارەی ئەوانەی توشبووی پەتاكە بوون گەیشتوەتە 13 كەس كە سەرجەمیان خەڵكی سنوری هەولێرن.
د.دلۆڤان محەمەد بەڕێوەبەری گشتی تەندروستی هەولێر لەكۆنگرەیەكی رۆژنامەوانیدا رایگەیاند: لەدوو رۆژی رابردوودا 9 حاڵەتی گوماناوی بەكۆلێرا هەبوون، دوای پشكنین دەركەوت سەرجەمیان تووشی پەتای كۆلێرا بوون، بەمەش كۆی توشبوان بەپەتای كۆلێرا لەپارێزگای هەولێر گەیشتە 13حاڵەت و سەرجەم ئەو نەخۆشانەش هاووڵاتی سنوری پارێزگای هەولێر بوون .
وتیشی: چەندین رێكاری تایبەت گیراونەتە بەر بۆ رێگری لەبڵاوبوونەوەی ئەم نەخۆشیە، داواشیكرد هاووڵاتیان پابەندی رێنماییە تەندورستیەكان بن.
PUKmedia