}

لۆمۆندی فەرەنسی: دەستلەکارکێشانەوەی پەرلەمانتارانی سەدر کێشەکان ئاڵۆزتردەکات

عیراق 06:11 PM - 2022-06-22

لە ڕاپۆرتێکی پەیامنێری ڕۆژنامەی لومۆندی فەڕەنسی لە بەیروتی پایتەختی لوبنانەوە هاتووە،پاشئەوەی لەهەڵبژاردنەکانی ئۆکتۆبەری ساڵی ڕابوردوودا تەیاری سەدر توانی سەرکەوتن بەدەستبهێنێت ،پێدەچێت نەتوانێت سەرکەوتووبێت لەدرووستکردنی حکومەتدا.

 

لەڕاپۆرتەکەدا هاتووە،پاش 8مانگ لەکۆتایی هەڵبژاردنە پەرلەمانیەکانی عیراق،پێدەچێت کە موقتەدا سەدر سەرۆکی پۆپۆلیستی شیعە، سەرەڕای ئەوەی یەکەمین هێزە لەپەرلەمانی عیراق و 73 کورسی بەدەستهێناوە نەتوانێت حکومەت پێکبهێنێت،پێدەچێت ئەرکی درووستکردنی حکومەت بکەوێتە سەرشانی نەیارەکانی،ئەوحزبە شیعییانەی نزیک ئێرانن .

 

لەبەشێکیتری ئەو ڕاپۆرتەدا هاتووە، ئەو بڕیارەی سەدر ،هاوکات لەگەڵ پشتگیری ئەو چەند ملیۆن ئەندامو هەوادارانەی،لەگەڵ دەڕبڕینی ناڕەزایی ئەوانەی هاوبیریانین لە شەقامەکاندا، ترسی نقومبوونی وڵات بەرەوبارودۆخێکی نالەبارو ئاڵۆز بەرێت.

 

لەلایەکیتری ئەوڕاپۆرتەدا باسلەوەدەکات کە لەساڵی 2003 داموقتەداسەدر،لەشکری مەهدی دامەزراند بۆبەرەنگاربوونەوەی ئەمەریکاییەکان لە عیراق، هەر هەمان هێزبەرەوڕووی هێزەکانی حکومەتەکەی نوری مالکی بووەوە.

 

دوای ئەوەی 73 کورسی لەکۆی 329 کورسی مسۆگەرکرد لەپەرلەمان، سەرۆکی ڕەوتی شیعە ئەیەوێت، حکومەتێکی تەوافقی بە بەشداریبوونی پارتی دیموکراتی کوردستان و پارتی تەقەدومی سوونی سەربە محمد الحبووسی کە لە مانگی کانوونی دووهەمی ئەم ساڵەوە هەڵبژێردرا بۆسەرۆکی پەرلەمانی عیراق.

 

PUKmedia حەمە عوسمان/فەڕەنسا 
س/مییدیاکان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket