سێ بازرگانی ماددەی هۆشبەر دەستگیردەکرێن

لە درێژەی کارو چالاکییە بەردەوامەکانی ھێزەکانی بەرێوەبەرایەتی ئاسایشی راپەرین، بۆ رێگری کردن لە بازرگانی و بڵاوبونەوەو بەکارھێنانی ماددەی ھۆشبەر، ھێزەکانی یاریدەدەرێتی ئاسایشی قەڵادزێ توانیان (3) سێ تۆمەتبار دەستگیر بکەن.

دەستگیرکراوەکان  بڕی  (76 گرام) حەفتاوشەش گرام موادی ھۆشبەریان لە جۆری کریستال پێبووە لەگەڵ کۆمەڵێک کەلوپەلی بەکارھێنانی موادی ھۆشبەر لەوانە (چوار چەرخ و یەک بتڵی غاز پرکردن وە دوو پارچە سیم و کەمۆلەیەکی شوشە)بە بریاری بەرێز دادوەر و بە پێی مادەی (26 ) لە یاسای ماددە ھۆشبەرو کارتێکەرە ئاقڵیەکان راگیراون و پەراوی لێکۆلینەوەیان بۆ کراوەتەوەو لێکۆلینەوە بەردەوامە.

لە چالاکیەکی تردا بنکەی پۆلیسی گومرگی دارەشمانەی سەر بە بەرێوەبەرایەتی پۆلیسی گومرگی راپەرین ،دەستیان گرت  بەسەر بۆیلەرێکی بچوکی ئاو گەرم کردن کە لە ناویدا (تەرازوویەکی بچوک و بری 900 گرام حەشیش و بری 235 گرام کریستال  و بری 200 دەنک حەبی جۆری میتادۆنلە جۆری 40 گرامی تێدا بووە).

بەرێوەبەرایەتی ئاسایشی راپەرین ئەوەشی وت کە تۆمەتبارێک دەستگیر کراوە کە بە بڕیاری دادوەر و بە مادەی 26ی ھۆشبەر راگیراوەو لێکۆلینەوە بەردەوامە.

PUKmedia ئاراس رەسول/ راگەیاندنی بەڕیوبەرایەتی ئاسایشی راپەڕین