}

پەرلەمانی كوردستان خوێندنەوە بۆ چەند پرۆژە یاسایەك دەكات

کوردستان 11:15 AM - 2022-06-22

پەرلەمانی كوردستان كۆدەبێتەوەو پەرلەمانتارێكیش رایدەگەیەنێت: خوێندنەوە بۆ چەند پرۆژە یاسایەك دەكرێت لەوانەش پێشنیازی یاسایی گەشتوگوزارو  پرۆژە یاسای ئیمزای ئەلیكترۆنی خوێندنەوەیان بۆ دەكرێت.
لەبارەی كۆبوونەوەكەی ئەمڕۆ 22-6-2022 پەرلەمانی كوردستان، لوقمان وەردی ئەندامی فراكسیۆنی یەكێتیی نیشتمانیی كوردستان  لەپەرلەمانی كوردستان بە PUKmediaی راگەیاند: لەكۆبوونەوەكەدا پرۆژە یاسایی گەشتوگوزار گفتوگۆی لەبارەیەوە دەكرێت، چونكە پرۆژەیەكی گرنگە بۆ كوردستان و بنەماكانی گەشتیاری لە هەرێم، بەڵام تائێستا نەاتوانراوە بایەخ بەو كەرتە گرنگە بدرێت.
وتیشی: پرۆژە یاسایی گەشتوگوزار لە 33  ماددە  پێكدێت كە دەبێتە هۆی  چارەسەركردنی كێشەكانی بواری وەبەرهێنان لەكەرتی گەشتیاریدا لەهەرێمی كوردستان، ئەوەش هەنگاوێكی باشە تا هانی سەرمایەی ناوخۆیی  و دەرەوە بدات  تا وەبەرهێنان بكەن و دەبێتە هۆكارێكیش كە كەرتی گەشتوگوزار ببێتە هۆی سەرچاوەی داهات لە هەرێم و هەلیكار بۆ گەنجان بڕەخسێنێت.
ئەو ئەندامەی پەرلەمانی كوردستان دەشڵیًَت: هەر لەكۆبوونەوەكەی پەرلەماندا پرۆژە یاسای ئیمزای ئەلیكترۆنی خوێندنەوەی بۆ دەكرێت، چونكە بابەتێكی گرنگە و لە عیراق جێبەجێكراوەو لە هەرێمیش خوێندنەوەی بۆ دەكرێت بەمەبەستی جێبەجێكردن و چارەسەركردنی كێشەی هاوڵاتیانی كوردستان.
ئەوەشی خستەڕوو كە هەر لەكۆبوونەوەكەدا بەئامادەبوونی وەزیری ئاوەدانكردنەوە، گفتوگۆ لەسەر رێگاوبانەكانی هاتووچۆ لەنێو شارو شارۆچكەكان  دەكرێت كە چارەسەری خراپی رێگاوبانەكان بكرێت.
 PUKmedia تایبەت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket