ئەنجومەنی وەزیران بڕیارەكانی تایبەت بەكۆلێراو بەنزین تاووتوێ دەكات

ئەنجومەنی وەزیرانی هەرێم كۆدەبێتەوەو بەپێی كارنامەكەشی گفتوگۆ لەبارەی بڕیارەكان تاییەت بەكۆلێراو بەنزین دەكرێت.
فەرمانگەی میدیاو زانیاری حكومەتی هەرێم بڵاویكردەوە ئەمڕۆ 22-6-2022  ئەنجومەنی وەزیرانی هەرێمی كوردستان كۆبوونەوەی هەفتانەی خۆی بە سەرۆكایەتیی مەسرور بارزانی سەرۆكی حكومەتی هەرێمی كوردستان و قوباد تاڵەبانی جێگری سەرۆكی حكومەت، ئەنجام دەدات و گفتوگۆ لەسەر چەند پرسێك دەكات.
بەپێی راگەیەنراوەكە، پوختەی رێكارەكانی وەزارەتی تەندروستی و وەزارەتە پەیوەندیدارەكان بۆ ڕێگریكردن لە تەشەنەكردنی پەتای كۆلێراو بڕیاری كۆبوونەوەی پێشووی ئەنجومەنی وەزیران سەبارەت بە كێشەی بەنزین دەخرێنەڕوو.
هەر لەكۆبوونەوەكەدا باس لەو چاكسازییانەی دەكرێت كە ئەنجامدراون، هاوكات ‌و رەشنووسی نوێی بڕیاری تایبەت بە پاراستن و پارێزگاریكردنی ئەو ناوچانەی كە پێكهاتە جیاجیاكانی هەرێمی كوردستان تیایدا جێگیربوون لەبەر رۆشنایی ماددەی (٣/چوارەم) لە یاسای (پاراستنی مافی پێكهاتەكان لە هەرێمی كوردستان - عێراق ژمارە ٥ی ساڵی ٢٠١٥) گفتوگۆیان لەبارەوە دەكرێت.
PUKmedia