تەندروستی ماستاو قەدەغە دەكات

تەندروستی چەمچەماڵ رایگەیاند: بەهۆی بڵاوبوونەوەی كۆلێرا لەشوێنە گشتییەكانی قەزاكە نابێت بەهیچ شێوەیەك ماستاو بفرۆشرێت.
لە راگەیەندراوێكدا بەڕێوەبەرایەتی تەندروستی چەمچەماڵ رایگەیاند: لە چەند رۆژی رابردوودا رامانگەیاند سەرجەم شوێنە گشتییەكانی چەمچەماڵ ئاگاداركرانەوە لە پابەندبوونی زیاتر بە مەرج و رێنماییە تەندروستییەكان.
راشیگەیاند: بەهۆی بڵاوبوونەوەی نەخۆشی سكچون و رشانەوە دەبێت خاوەنی ئەو شوێن و كەسانەشی كاری تێدا دەكەن زیاتر دڵنیاببنەوە لەپاكوخاوێنی شوێنەكانیان و ئەو خواردنانەی كە ئامادەی دەكەن.
رونیشیكردوەتەوە: بەهیچ شێوەیەك نابێت سەوزەو ماستاو و دۆی خۆماڵی و ئاوی بەڕاد دابنرێت، چونكەو قەدەغەیەو بەپێچەوانەوە لەكاتی سەردانیكردنی تیمەكانی چاودێری تەندروستی بۆ ئەو شوێنانە لەكاتی سەرپێچیدا سزا دەدرێن.
PUKmedia