رەهەندەكانی عوسمان عەلی بڵاودەكرێتەوە

ئێوارەی ئەمڕۆ 21-6-2022، لە 17هەمین ساڵیادی كۆچی دوایی هونەرمەند عوسمان عەلی لە هۆتێل رەمادا، مەراسیمێك بۆ ناساندن و بڵاوكردنەوەی كتێبی رەهەندەكانی عوسمان عەلی  سازكرا .

كتێبەكە لەسەر ئەركی خاتوو شاناز ئیبراهیم ئەحمەد چاپكراوە و لەلایەن مامۆستای كەمانچەژەن عادل حەمەكەریم-ەوە ئامادەكراوە.

كتێبەكە لە ناوەڕۆكدا توێژینەوەیەكی زانستییە لەسەر لایەنەكانی ژیانی تایبەتی و هونەریی عوسمان عەلی و ئەمڕۆ لە ساڵیادی كۆچیدا بە دیاریی پێشكەش بە هونەرمەندان و میوانانی مەڕاسیمەكە كرا.

لە بەشێكی تری مەراسیمەكەدا لەلایەن تیپی مۆسیقای سلێمانیی و چەند هونەرمەندێكی لاوەوە ژمارەیەك لە گۆرانییەكانی عوسمان عەلی پێشكەش كران.

PUKmedia ڤینۆس تۆفیق