یاساناسێك: دەتوانرێت لەكۆبوونەوە نائاساییەكەدا جێگرەوەی پەرلەمانتاران سوێندبخۆن

پسپۆڕێكی بواری یاسای باس لەوەدەكات دەكرێت بڕگەیەك بۆ دانیشتنی نائاسایی ئەنجومەنی نوێنەران زیاد بكرێت و ئەو پەرلەمانتارانەی كەجێگرەوەی پەرلەمانتارانی دەستلەكاركێشاوەی رەوتی سەدرین سوێندی یاسایی بخۆن.
سەرۆكایەتی ئەنجومەنی نوێنەران دوێنێ شەوی دووشەممە بەستنی دانیشتنی نائاسایی لەكۆتایی ئەم هەفتەیەدا راگەیاند.
لەڕاگەیەنراوەكەی سەرۆكایەتی ئەنجومەنی نوێنەراندا هاتووشە كە ئەنجومەنی نوێنەران لەسەر داوای ژمارەیەك پەرلەمانتارو بەگوێرەی مادەی 58 لەبڕگەی یەكی دەستوور، رۆژی پێنجشەممە 23ی حوەزیران سەعات 11ی بەیانی دانیشتنی نائاسایی ئەنجام دەدات.
سەبارەت بەم پرسەش، پێشتر ئەمیر ئەلدەعمی پسپۆڕ لەبواری یاسا بە PUKmediaی راگەیاندبوو كە دەكرێت ئەنجومەنی نوێنەران بڕگەیەك بۆ كارنامەی دانیشتنە نائاساییەكەی نوێنەران زیاد بكات تایبەت بە سوێندخواردنی یاسایی پەرلەمانتارە جێگرەوەكان بۆ پڕكردنەوەی كورسی پەرلەمانتارانی دەستلەكاركێشاوەی رەوتی سەدر.
دەعمی راشیگەیاند: دانیشتنی سوێندخواردنی یاسایی ئەو پەرلەمانتارانە پێویستی بەزۆرینەیەكی سادە (نیوە+1)هەیە.
PUKmedia تایبەت