هه‌ڵسه‌نگاندن بۆ دۆخی ئه‌منی كه‌ركوك ده‌كرێت

  ئۆپراسیۆنه‌ هاوبه‌شه‌كانی عیراق له‌ڕاگه‌یاندراوێكیدا بڵاویكردووه‌ته‌وه‌، وه‌فدێكی باڵای ئه‌منی به‌ سه‌رۆكایه‌تی لیوا عه‌بدولئه‌میر شممه‌ری جێگری فه‌رمانده‌ی ئۆپراسیۆنه‌ هاوبه‌شه‌كانی عیراق سه‌ردانی پارێزگای كه‌ركوكیان كرد، له‌گه‌ڵ ژماره‌یه‌ك لێپرسراوی سه‌ربازی و ئه‌منی پارێزگاكه‌ كۆبوونه‌ته‌وه‌.

 ئۆپراسیۆنه‌ هاوبه‌شه‌كانی عیراق ئاشكراشیكردووه‌ كه‌ ئامانجی كۆبوونه‌وه‌كان بۆ پێداچوونه‌وه‌ بووه‌ بۆ دۆخی ئه‌منی و هه‌ڵسه‌نگاندنی رێكاره‌كانی پێكهاته‌ و یه‌كه‌كان و خزمه‌تگوزارییه‌ ئه‌منییه‌كانه‌ له‌ به‌ره‌نگاربوونه‌وه‌ی داعش و سه‌پاندنی ئاسایش و سه‌قامگیری له‌ كه‌ركوكدا.

زیاتر له‌ مانگێكه‌ بارودۆخی ناوچه‌ سنووریه‌كانی ده‌رووبه‌ری كه‌ركوك به‌تایبه‌ت باشووری رۆژئاوای شاره‌كه‌، به‌هۆی په‌لاماره‌كانی تیرۆریستانی داعشه‌وه‌ ناسه‌قامگیری ئه‌منی به‌خۆیه‌وه‌ بینیوه‌. 

PUKmedia محه‌مه‌د ئه‌حمه‌د