هێرشەكانی توركیا كازمی دەباتە ئەنجومەنی نوێنەران

ئەندامێكی ئەنجومەنی نوێنەرانی عیراق دانیشتنە بەپەلەكەی ئەنجومەن ئاشكرا دەكات و دەشڵێت، مستەفا كازمی ئامادە دەبێت.

لەوبارەیەوە محەمەد ئەلزیادی ئەندامی ئەنجومەنی نوێنەرانی عیراق بە PUKmedia ی راگەیاند:  رۆژی پێنچ شەممە 23-6-2022، دانیشتنی ئەنجومەنی نوێنەرانی بە ئامادەبوونی مستەفا كازمی سەرۆك وەزیرانی عیراق بەڕێوەدەچێت، هاوكات هۆكاری ئامادەبوونەكەی دەگەڕێنێتەوە بۆ تاوتوێی كردنی  هێرشەكانی توركیا بۆ سەر خاكی هەرێمی كوردستان و عیراق.

راشیگەیاند: بانگێشتكردنی مستەفا كازمی بەمەبەستی روونكردنەوەی هەڵوێستی حكومەتی عیراقە لەبارەی هێرشەكانی توركیا بۆسەر خاكی عیراق.

هاوكات لەسەر نووسراوی چەند ئەندامێكی ئەنجومەنی نوێنەرانی عیراق  كە ئاڕاستەی سەرۆكایەتی ئەنجومەنەكە كراوە داواكراوە، كە دانیشتنی ئەنجومەنی نوێنەران رۆژی پێنچ شەممە سەعات 11 ی بەیانی بەڕێوەبچێت.

PUKmedia تایبەت