}

شاناز ئیبراهیم ئەحمەد: ناوى ئەربیلی بەزیندوویی دەمێنێتەوە

پرسەنامە 03:49 PM - 2022-06-20

خاتوو شاناز ئیبراهیم ئەحمەد کارگێڕی مەکتەبی سیاسی و سەرپەرشتیاری مەڵبەندەکانی سلێمانی، چەمچەماڵ، شارەزوور، گەرمیان، ڕاپەڕینی(ی.ن.ک) بەبۆنەی کۆچی دوایی هونەرمەندی دیارى شاری هەولێر  و کورد محەمەد ئەحمەد ئەربیلی پەیامێکی  هاوخەمى ئاڕاستەى خانەوادە و هونەرمەندان و هونەردۆستان و هەوادارانی دەنگی ئەربیلی دەکات و رایگەیاند، لەگەڵ ئەوەى لەدەستدانى ئەم سیمبولە جوانەى بوارى هونەرى کوردى جێگەى داخە، بەڵام بەرهەم و خزمەت و کارە هونەرییەکانى ئەربیلی جێگەى شانازین و بۆ هەمیشە ناوى بەزیندوویی دەمێنێتەوە. 

 

دەقی پرسەنامەکە :

 

بەڕێزان خانەوادەی كۆچکردوو محەمەد ئەحمەد ئەربیلی
بەڕێزان هونەرمەندان و هونەردۆستان و هەوادارانی دەنگی ئەربیلی

 

بە داخ و پەژارەیەكی زۆرەوە، هەواڵی ماڵئاوایی(محەمەد ئەحمەد ئەربیلی) هونەرمەندی دیارى شاری هەولێر  و کوردمان-مان پێگەیشت، بۆ ئەو غەمەتان لەدڵەوە پرسە و ماتەمینیی خۆمتان پێڕادەگەیەنم و هاوبه‌شی غه‌م و په‌ژاره‌تانم.

 

لەگەڵ ئەوەى لەدەستدانى ئەم سیمبولە جوانەى بوارى هونەرى کوردى جێگەى داخە، بەڵام بەرهەم و خزمەت و کارە هونەرییەکانى ئەربیلی جێگەى شانازین و بۆ هەمیشە ناوى بەزیندوویی دەمێنێتەوە. 

 

یەزدانى مەزن ئارامیی و دڵنەوایی بە خانەوادەکەتان و هەموو لایەك ببەخشێت، ئەوە دوایین كۆست و دڵتەنگیتان بێت، هونەرمەندى کۆچکردووش بخاتەبەر سۆزی فراوانی خۆی و بەبەهەشتی بەرین شادی بکات.

 

ٳنــا لله وٳنــا ٳلــیــه راجــعــون
شاناز ئیبراهیم ئەحمەد
کارگێڕی مەکتەبی سیاسی و 
سەرپەرشتیاری مەڵبەندەکانی سلێمانی، چەمچەماڵ، شارەزوور، گەرمیان، ڕاپەڕینی(ی.ن.ک)

 

PUKmedia 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket