ژنانی مینلابەر رێزلێنانیان پێ بەخشرا

سەر لە بەیانی ئەمڕۆ (20-6-2022) محسن شێخ عبدلکریم بەرزنجی بەڕێوەبەری گشتی کاروباری مینی سلێمانی لە مەراسیمێکدا  بە ئامادەبوونی  بەڕێوەبەری چالاکییەکان و بەرپرسی دڵنیای وکۆنترۆڵی جۆری و بەرپرسی راگەیاندنی بەڕێوەبەرایەتی گشتی و بەرپرسی چالاکییەکانی رێکخراوی (MAG) و تیمەکانی مینلابەری و کەناڵەکانی راگەیاندن رێزلێنانی بەخشییە ژنانی مینلابەری دەستی ڕێکخراوی MAG.

ئەم مەراسیمە لە کێڵگە مینی شیوی لالۆمەڕی گوندی وڵیاوا لە ناحیەی زەلان سەر بە قەزای شارباژێر بەڕێوەچوو سەرەتای مەراسیمەکەش پاش وتەی بەخێرھاتن ووتەی بەڕێوەبەری گشتی لەوبارەوە پێشکەشکرا و وتەی جەبار فاتح بەرپرسی چالاکییەکانی رێکخراوەکە پێشکەشکرا، پاشان لە لایەن بەڕێوەبەری گشتییەوە ڕێزلێنان بەخشرایە سەرجەم کارمەندانی تیمی 114ی ژنان کە پێکھاتبوون لە 10 ژنی مینلابەری دەستی و دوو ژنی یاریدەدەری پزیشکی و سەرۆک تیمێک و دوو لە یاردەدەرانی و شۆفێرێکی تیمەکە، پاشان کۆتایی بە مەراسیمەکە ھات.

 PUKmedia ڕاگەیاندنی بەڕێوەبەرایەتی گشتی کاروباری مین⁄ سلێمانی