دەرباز كۆسرەت سەرەخۆشی لە بنەماڵەی محەمەد ئەحمەد ئەربیلی دەكات

بەهۆی كۆچی دوایی هونەرمەند محەمەد ئەحمەد ئەربیلی، دەرباز كۆسرەت ڕەسوڵ كارگێڕی مەكتەبی سیاسی یەكێتیی نیشتمانیی كوردستان پرسەنامەیەك ئاڕاستە دەكات كە ئەمە دەقەكەیەتی:

بەڕێزان: خانەوادەو كەسوكاری هونەرمەندی گەورە مامۆستا محەمەد ئەحمەد ئەربیللی
بەداخێكی زۆرەوە هەواڵی كۆچی دوایی هونەرمەندی گەورەو ناسراوی كورد محەمەد ئەحمەد ئەربیللی-م بیست، دڵگران و خەمباری كردم.
هونەرمەند محەمەد ئەحمەد ئەربیللی یەكێك بوو لە هونەرمەندە گەورەكانی كوردو دەنگێكی دیارو بەسۆزی هەولێر بوو، بە دەنگە زوڵاڵ و خۆشەكەی خزمەتێكی یەكجار گەورەی هونەری كوردی كردو بەشێك بوو لە كلتووری هەولێر، بەداخەوە ئەمڕۆ هەواڵی كۆچی دوایی ئەم هونەرمەندە گەورەیەمان بیست.
پرسەو سەرەخۆشی و هاوخەمی خۆم ئاراستەی خانەوادەو كەسوكاری هونەرمەندی كۆچكردوو دەكەم و هیواخوازم ئەمە دواكۆست و ناخۆشیتان بێت، خوای گەورە سەبووریتان بدات و كۆچكردوو جێگای بەهەشتی بەرین بێت.

دەرباز كۆسرەت رەسول
كارگێڕی مەكتەبی سیاسی
یەكێتیی نیشتمانیی كوردستان

PUKmedia