}

سلێمانی.. چوار نەخۆشخانە بۆ توشبووانی سكچون و رشانەوە تەرخانكرا

تەندروستی 01:15 PM - 2022-06-20

وەزیری تەندروستی هەرێم رایدەگەیەنێت، لە سلێمانی رێكاری باش بۆ روبەڕوبوونەوەی سكچون و رشانەوە گیراوەتەبەر و لە نزیكەوە چاودێری رەوشەكە دەكەین.

دكتۆر سەباح هەورامی بەڕێوەبەری گشتی تەندروستی سلێمانی لە كۆنگرەیەكی رۆژنامەوانیدا رایگەیاند: ئەمڕۆ دوو شەممە، كۆبوونەوەیەكی فراوانمان لەگەڵ وەزیری تەندروستی هەرێم بۆ روبەروبوونەوەی كۆلێرا ئەنجامدا و  تێیدا هەڵسەنگاندنمان بۆ نەخۆشی كۆلێرا كرد و جەخت لەوە كرایەوە كە چالاكییەكانمان بەردەوام بێت تاوەكو رێگری لە زیاتر بڵاوبوونەوەی نەخۆشییەكە بكەین.

وتیشی: وەزیری تەندروستی حكومەتی هەرێم بەڵێنی جێبەجێكردنی داواكارییەكانی داوە و هاوكاری پێویستی پێ گەیاندین و پێداویستییەكانی نەخۆشخانەكانی دابینكرد.

هاوكات دكتۆر سامان بەرزنجی وەزیری تەندروستی حكومەتی هەرێم رایگەیاند: بەهۆی گەرما و وشكەساڵییەوە كۆلێرا بڵاوبووەتەوە و لە سلێمانی رێكاری باش بۆ روبەڕوبوونەوەی سكچون و رشانەوە گیراوەتەبەر، لەو چوارچێوەیەشدا چوار نەخۆشخانە لە سلێمانی بۆ توشبووانی سكچون و رشانەوە تەرخانكراون. 

راشیگەیاند: رۆژانە هەزار كانیۆلا بۆ توشبووانی سكچوون و رشانەوە دادەنرێت و هەر نەخۆشێك لە 24 سەعاتدا 20 بتڵ رینگەر لاكتەیتی بۆ بەكار دەهێنرێت.

وتیشی: پلانی گشتیمان بۆ بەرەنگاربوونەوەی كۆلێرا لە هەرێم هەیە و لە نزیكەوە چاودێری رەوشەكە و دابینكردنی پێداویستییەكان دەكەین، لەو چوارچێوەیەشدا حكومەتی هەرێم  800 ملیۆن دیناری تەرخانكردووە.

وەزیری تەندروستی حكومەتی هەرێم راشیگەیاند: هەندێك حاڵەت كە مەترسیان لەسەرە ئەو كەسانەن كە نە خۆشی درێژخایەنیان هەیە، بۆ ئەو مەبەستەش رێژەیەكی باشی دەرمانی گیراوەمان رەوانەی سلێمانی كردووە.

PUKmedia تایبەت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket