چەند بەندكراوێكی داعش لە زیندان هەڵهاتن

دوای ئەوەی چەكدارانی داعش لە رەقە هێرشیان كردە سەر زیندانی ناوەندی شارەكە، ژمارەیەك بەندكراو توانیان لە زیندانەكە هەڵبێن، كە ژمارەیەكیان ئەندام و پلەداری گروپی تیرۆریستی داعشن.

هەر لەو چوارچێوەیەدا، هێزەكانی سووریای دیموكرات، كە ئەركی پاراستن و چاودێریی كردنی زیندانەكەی لە ئەستۆدایە، بە ئامانجی دەستگیركردنی بەندكراوە هەڵهاتووەكان، هێزە سەربازییەكانیان لە دەوروبەری زیندانەكە و شاری رەقەدا بڵاوكردووەتەوە. ئەوەش لەكاتێكدایە، چەند مانگێك لەمەوبەر و لە رووداوێكی هاوشێوەدا، چەكدارانی گروپی تیرۆریستی داعش، هێرشیان كردە سەر زیندانی گوێران لە شاری حەسەكە و سەدان بەندكراوی داعش هەڵهاتن. هێزەكانی سووریای دیموكرات، رایگەیاند: هێرشەكە بە هاوكاری وڵاتێكی هەرێمی ئەنجام دراوە و ئامانج لێی، بەهێزكردنەوەی شانە سەربازییەكانی گروپی تیرۆریستی داعشە لە سووریا.

PUKmedia