}

فەهمی بورهان: بەرامبەر بە ئەركە پیرۆزەكەمان خەمساردنابین

کوردستان 05:36 PM - 2022-06-19

ئەمرۆ رەوەند مەلا مەحمود لێپرسراوی مەڵبەندی دووی كەركوكی یەكێتیی نیشتمانیی كوردستان، سەردانی دەستەی كرد و لەلایەن فەهمی بورهان لێپرسراوی دەستەوە پێشوازیكرا.

لە دیدارێكدا وێڕای پیرۆزباییان لە سەرۆكی دەستە، باس لە كارنامەو بەرنامەی هاوبەشی هەردوولا كرا بۆ ناوچە دابرێندراوەكان و ئەو پرۆژانەی كە دەكرێت بەهاوبەشی هەردوولا بۆ خزمەتی خەڵكی ئەو ناوچانە جێبەجێ بكرێت.

لێپرسراوی مەڵبەندی دووی كەركوك ئاماژەی بۆ ئەوەكرد، بە هەڵسەنگاندمان بۆ كارەكانی رابردووی سەرۆكی دەستە، دڵنیا دەبین لەوەی بەرێزیان هەوڵی جددی و دڵسۆزانەو دەدات و بەردەوام دەبێت لەكاركردن بۆ  خزمەتی ئەو ناوچانەو كەمكردنەوەی ئەو كێشەو گرفتانەی بونیان هەیە،بەتایبەتی كێشەكانی زەوی و زارو گوندنیشینان.

لەبەرامبەریدا سەرۆكی دەستە رایگەیاند: بەرنامەی وردو كاریگەرمان هەیەو بەهەوڵی هەمووان وادەكەین كە بەزوترین كات گرفتەكان بەرەو چارەسەربچن و خەمساردنابین لەبەرامبەر ئەو ئەركە پیرۆزەی لەسەر شانمانە بۆ خزمەتی ئەو ناوچانە.

PUKmedia تایبەت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket