}

بۆ بەگژداچونەوەی توندوتیژی دژی ژنان 38 کەس دەستگیردەکرێن

کوردستان 03:01 PM - 2022-06-19

بەڕێوەبەرایەتی ئاسایشی سلێمانی لە چوارچێوەی بەگژداچونەوەی توندوتیژی دژی ژنان  لەئەنجامی 29 سکاڵای هاوڵاتیان 38 کەس دەستگیردەکات.

 

دەقی راگەیەندراوی ئاسایشی سلێمانی................

 

بۆ / سەرجەم کەناڵەکانی بینراو و بیستراو 
بابەت / بەگژداچونەوەی توندوتیژی بەرامبەر بە ژنان

_ لە چوارچێوەی بەگژداچونەوەی توندوتیژی دژی ژنان ، هێزەکانی بەڕێوەبەرایەتی ئاسایشی پارێزگای سلێمانی ، لە ئەنجامی تۆمارکردنی ( ٢٩ ) سکاڵا کە لەلایەن ( ٣١ ) هاوڵاتیەوە تۆمارکراوە ( ٣٨ ) تۆمەتبار دەستگیردەکەن ، 
بە تۆمەتی هەڕەشەکردن و ترساندن و هەڵخەڵەتاندن و چەندین تاوانی جۆراوجۆر ، کە لە ڕێگەی تۆڕە کۆمەڵایەتیەکان و سۆشیال میدیاوە ئەنجام دراون و تۆمەتباران ڕووبەڕوی یاسا کراونەتەوە . 

 

لەدرێژەی کارو چالاکیەکانی بەڕێوەبەرایتی ئاسایشی پارێزگای سلێمانی لەسەر ڕاسپاردەی بەڕێز

 

 ( قوباد تاڵەبانی ) جێگری سەرۆکی حکومەتی هەرێمی کوردستان ، ڕێنمایی سەرۆکی دەزگای ئاسایشی هەرێمی کوردستان ، بەمەبەستی بەگژداچونەوی توندوتیژی دژ بە ژنان ، ڕێگریکردن لەمەترسی پەرەسەندنی ئەم جۆرە تاوانانە . دۆزینەوەی بکەرانی تاوانەکان و دەستگیرکردنی تۆمەتباران ، بەفەرمانی دادوەر بەپێی ماددەی  ( ٢ ) لە یاسای خراپ بەکارهێنانی ئامێرە ئەلەکترۆنیەکان و تاوانی سۆشیال میدیا ، لەدوای تۆمارکردنی ( ٢٧ ) سکاڵا لەلایەن هاوڵاتیانەوە کەزۆربەیان لەڕەگەزی ( مێ ) و تۆمار کردنی ( ٢ ) سکاڵا وەک مافی گشتی ، توانرا لەماوەی ( ٥ ) مانگدا لە نێوان ٢٠٢٢/١/١ تاوەکو ڕۆژی ٢٠٢٢/٥/٣١ ( ٣٨ ) تۆمەتبار دەستگیر بکەن سەرجەمیان لە ڕەگەزی ( نێر ) ن ، لە نێو دەستگیرکراوەکاندا کەسانێکی تێدایە زیاتر لە تاوانێکی ئەنجامداوە ، تۆمەتباران بە فەرمانی دادوەر دەستگیرکراون و ڕووبەڕوی یاساکراونەتەوە ، لێرەوە بۆ ڕای گشتی ڕادەگەیەنین هێزەکانمان هەموو ڕێکارێکی یاسایی دەگرنەبەر بۆ دەستگیرکردنی تۆمەتباران و ئەو کەسانەی کە بەهەر شێوەیەک و لەژێر هەرناوێکدا بیانەوێت تاوانێک ئەنجام بدەن ، بەتایبەتی ئەوانەی کە توندوتیژی بەرامبەر بە ژنان ئەنجامدەدەن .    

لەگەڵ ڕێزدا


PUKmedia بەڕێوەبەرایەتی ئاسایشی پارێزگای سلێمانی

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket