عیراق یه‌كه‌می وڵاتانی عه‌ره‌بی و شه‌شه‌می جیهانه

وڵاتی عیراق گه‌شه‌یه‌كی گه‌وره‌ له‌ ئابووری به‌رهه‌مهێنانی ناوخۆیی و جیهانی تۆمارده‌كات، كه‌ به‌پله‌ی یه‌كه‌م دێت له‌سه‌ر ئاستی وڵاته‌ عه‌ره‌بیه‌كان و به‌ پله‌ی شه‌شه‌م له‌سه‌ر ئاستی جیهان دێت.

رۆژنامه‌ی  global finance  ئه‌مریكی له‌ راپۆڕتێكيدا بڵاویكردووه‌ته‌وه‌:  به‌رهه‌می ناوخۆیی عیراق گه‌شه‌یی كردووه‌ له‌ چاو ساڵی رابردوودا له‌ كاتێكدا ئه‌م ساڵ به‌ رێژه‌ی 9.5% به‌ڵام ساڵی رابردوو به‌ رێژه‌ی 5.9% ئه‌مه‌ش به‌ گه‌شه‌یه‌كی گه‌وره‌ له‌ ئابووری عیراق هه‌ژمارده‌كرێت.

راشیگه‌یاندووه‌: له‌ ساڵی 2020 دا  گه‌شه‌ی ئابووری و به‌رهه‌می ناوخۆیی كه‌میكردبوو به‌ رێژه‌ی -15.7% ، هاوكات عیراق به‌ پله‌ی یه‌كه‌م دێت له‌سه‌ر ئاستی وڵاتانی عه‌ره‌بی و شاری كوه‌یت به‌ پله‌ی دووه‌م و دواتر سعودیه‌ كه‌ به‌ پله‌ی سێیه‌م دێت  و  پاشان میسر به‌ پله‌ی چواره‌م دێت و عه‌ممان به‌ پله‌ی پێنجه‌م تۆماركرا.

رۆژنامه‌ی global finance  بڵاویشیكرده‌وه‌: له‌ رووی جیهانیدا عیراق به‌ پله‌ی شه‌شه‌م دێت له‌ نێو 197 وڵاتدا له‌ به‌رهه‌می ناوخۆیدا، له‌ كاتێكدا وڵاتی غینیا به‌ پله‌ی یه‌كه‌م دێت به‌ رێژه‌ی 47.2% و وڵاتی مكاو به‌ پله‌ی دووه‌م دێت به‌ رێژه‌ی  15.5% و جه‌زیره‌ی بربادوس به‌ پله‌ی سێهه‌م دێت به‌ رێژه‌ی 11.2% و ده‌وڵه‌تی سانت كیتس به‌ پله‌ی چوارم دێت به‌ رێژه‌ی 10% و جه‌زیره‌ی سانت لوسیا به‌ پله‌ی پێنجه‌م و به‌رێژه‌ی 9.7%، ئه‌مه‌ش له‌ كاتێكدایه‌ كه‌ ئۆكرانیا به‌ رێژه‌ی 35% و یه‌كێكه‌ له‌و وڵاتانه‌ی كه‌ له‌ كۆتایی لیستی 197 وڵاتی به‌رهه‌مهێناندایه‌.

هه‌روه‌ها ئاماژه‌ی به‌وه‌شكردووه‌: كه‌ هیچ كام له‌ وڵاته‌كانی سوریا و لوبنان و ئه‌فغانستان هیچ پله‌یه‌كیان نیه‌ له‌ لیسته‌كه‌دا به‌هۆی نه‌بوونی ورده‌كاری له‌ رێژه‌ی گه‌شه‌كردنی به‌رهه‌مه‌كانیان.

PUKmedia به‌دواداچوون