کچە رۆژنامەنوسێک یادی لەدایکبوونی بەنەمام چاندن دەکاتەوە

هەوار فارس کچە رۆژنامەنوسی کوردی شاری کەرکوک لە ساڵیادی 30 ساڵەی تەمەنیدا بڕیاریدا جیاوازتر ساڵیادی لەدایک بوونی بەرێخات ئەویش بە چاندنی 30 نەمام لە سەنتەری رۆشنبیری کەرکوک وەک هێمایەک بۆ سی ساڵی تەمەنی .

هەوار فارس کە ئێستا رۆژنامەنوس وپەیامنێری کەناڵی ئاسمانی کەرکوکە لەهەمانکاتدا وەک تاکە ئەکتەری شانۆی کەرکوک نمایشی شانۆی دەکات لە تیپێ شانۆی هەوار  ئەو بە PUKmedia ی ڕاگەیاند: کەوا ئەمرۆ 16-6-2022  بە بەشداری خانەوادەکەی وهاوڕێیانی لەسەنتەری رۆشنبیری شاری کەرکوک 30 نەمامیان وەک ئاماژەیە بۆ 30 ساڵ تەمەنی چاند ودڵخۆش بو کە جیاوازتر لە ساڵانی ڕابردوو یادی لەدایک بوونی بەرێخست.

وتیشی: شارەکەمان رێژەی سەوزایی تیدا کەمە وکەش هەوایەک وژینگەیەکی پیسی هەیە بۆیە بەباشم زانی ئەم کارە بکەم وببێتە هاندەرێک بۆ هەموو هاوڵاتیەکی ئەم شارە تاوەکو پێکەوە بتوانین رێژەی سەوزایی شارەکەمان زیادکەین وهەموو پێکەوە هەوایەکی پاک هەڵمژین ـ

PUKmedia ئازاد شوکور