}

مزگه‌وتێك له‌ به‌رده‌ڕه‌ش ته‌مه‌نی 1000 ساڵه‌

کوردستان 10:39 PM - 2022-06-15

مزگه‌وتێك ھه‌یه‌ له‌شاره‌دێی داره‌تووی سه‌ر به‌ قه‌زای به‌رده‌ڕه‌ش كه‌ مێژووه‌كه‌ی ده‌گه‌ڕێته‌وه‌ بۆ زیاتر له‌ هه‌زار ساڵ.

عومه‌ر حوسێن شه‌ریف ماسته‌ر له‌ شوێنه‌وارناسی به‌ PUKmedia ی وت: "مزگه‌وتی كۆنی شاره‌دێی (داره‌توو)ی سه‌ربه‌ قه‌زای  به‌رده‌ره‌ش له‌ سنووری پارێزگای دهۆك به‌و شێوه‌یه‌ی ئێستای كه‌ هه‌یه‌ له‌ ساڵی 1805 زایینی له‌ خشت و قوڕ دروستكراوه‌، سه‌ری مزگه‌وته‌كه‌ به‌ دار داپۆشراوه‌ و ناوه‌وه‌ی مزگه‌وته‌كه‌ له‌ دوو هۆڵ پێكدێت كه‌ درێژایی هه‌ر هۆڵێكی 25مه‌تره‌ و پانییه‌كه‌ی هه‌ر دوو هۆڵه‌كه‌ 8مه‌تره‌ و له‌ سه‌ر شێوازی كۆن دیواره‌كانی نه‌خشێنراون".
وتیشی: خه‌ڵكی ناوچه‌كه‌ له‌ سالی 1805زایینی مێژووی ئه‌م مزگه‌وته‌یان نوسیوه‌ته‌وه‌، به‌ڵا م به‌پێ ئه‌و پسپۆرییه‌ی كه‌ له‌ بواری شوێنه‌واری كۆن هه‌مه‌ و ئه‌و لێكۆلینه‌وانه‌ی كه‌ له‌ سه‌ر ئه‌م شۆینه‌واره‌ ئه‌نجاماممانداون و ئه‌و به‌ڵگانه‌ی كه‌ له‌ لێكۆڵینه‌وه‌كان ده‌ستمان كه‌وتوون، مێژووه‌كه‌ی ده‌گه‌ڕێته‌وه‌ بۆ سه‌رده‌می هاتنی ئایینی ئیسلام بۆ ناوچه‌كه‌، چونكه‌ زۆر به‌ڵگه‌ هه‌ن ئه‌م راستییه‌ ده‌سه‌لمێنن بۆ نموونه‌ دوو جار ئه‌م مزگه‌وته‌ نۆژه‌ن كراوه‌ته‌وه‌ دواجار كه‌ نۆژه‌نكراوه‌ له‌ سالی 1955 بووه‌.

راشیگه‌یاند: له‌كاتی لێكۆلینه‌وه‌كانمان له‌سه‌رچینه‌كانی دیواری مزگه‌وته‌كه‌ شتێكی دیكه‌مان بۆ ده‌رده‌كه‌وێت كه‌ ئه‌ویش كه‌ به‌ر له‌م دوو جار نۆژه‌نكردنه‌وه‌یه‌ چه‌ندیین جاری دیكه‌ش نۆژه‌نكراوه‌ته‌وه‌ كه‌ له‌ چینه‌كانی سه‌ر دیواره‌كه‌وه‌ ده‌رده‌كه‌وێت، ئه‌وه‌ش ده‌مانباته‌ سه‌رده‌می هاتنی ئایینی ئیسلام بۆ ناوچه‌كه‌، هه‌روه‌ها چه‌ندین به‌ڵگه‌ی دیكه‌ش له‌م ناوچه‌یه‌ هه‌یه‌ كه‌ گه‌واهیده‌ری ئه‌م راستییه‌ بن".

ئاماژه‌ی بۆ ئه‌وه‌ش كرد كه‌ به‌پێی به‌ڵگه‌كان مێژووی درووستكردنی مزگه‌وته‌كه‌ ده‌گه‌ڕێته‌وه‌ بۆ زیاتر له‌ هه‌زار ساڵ پێش ئێستا و تاكو ئێستا گرنگی به‌م شوێنه‌واره‌ نه‌دراوه‌ و نه‌خراوه‌ته‌وه‌ ناو لیستی شوێنه‌واره‌كانی عیراق.
PUKmedia کۆسره‌ت كه‌تۆ

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket