کێشەی بەنزین لە خورماتوو چارەسەر دەکرێت

ئەمڕۆ چوار شەممە ٢٠٢٢/٦/١٥ لە سەر کێشەی بەنزین و گاز و گواستنەوەی بەشە سوتەمەنی قەزای خورماتوو لە پارێزگای کەرکوکەوە بۆ سەڵاحەدین ئەندازیار عەبدولکەریم بەڕێوەبەری کۆمپانیای بەرهەمە نەوتیەکانی سەڵاحەدین سەردانی قەزاکەی کرد و لە گەڵ ئیدارەی شار و بەڕێوەبەری وێستگەکانی بەنزینی خورماتوو کۆبوە بۆ چارەسەرکردنی كێشەکانی هاوڵاتیان.

لەوە بارەیەوە ئەندازیار عەبدولکەریم بەڕێوەبەری کۆمپانیای بەرهەمە نەوتیەکانی سەڵاحەدین بە PUKmedia ی ڕاگەیاند:لە دوای باسکردنی کێشەکان و دروستبونی قەیرانی بەنزین بڕیار درا بەوەی لە ئەمڕۆە وێستگەکانی بەنزین لە سەعات ٧ ی بەیانی تاوەکو ٩ ی شەو کراوە بن و هەروەگا وێستگەکانی گاز تاوەکو سەعات ٧ ی ئێوارە کراوە بێت بۆ ئەوەی هاوڵاتیان بتوانن بە بێ کێشە بەنزین و گاز وەربگرن.

هەروەها وتی: کە هەر هاوڵاتیەک تاوەکو ئێستا کۆبونی بەنزینی نیە ئەتوانی سەردانی پارێزگای کەرکوک بکات بۆ دەرهێنانی،و لەمڕۆوە بەنزینی موحەسەن دابەش ناکرێت.

PUKmedia عەدالەت میعاد