ئاهەنگی لەدایكبوونەكەیان بوو بە شین

لە ئاهەنگێكی لە دایكبوون لە شاری شەهریار لە نزیك تارانی پایتەختی كۆماری ئیسلامی ئێران تەقینەوەیەك ڕوویدا و ژمارەیەك كوژراو و برینداری لێكەوتەوە.

لەوبارەیەوە شاهین فەتحی بەڕێوە ڕێكخراوی مانگی سووری ئێرانی ڕایگەیاند: بەهۆی تەقینەوەیەك لە ئاهەنگی لەدایكبوون لە یەكێك لە ڕێستۆرانتەكانی شاری شەهریار لە نزیك تاران هەشت كەس گیانیان لەدەستداوە و چەند كەسێكیش برینداربوون. 

هۆكارەكەشی بۆ تەقینەوەی ئامێری تێكردنی هەوا بۆ میزەڵان گەڕاندەووە. 

هاوكات موجتەبا خالیدی وتەبێژی فریاكەوتنی ئێران ناسنامەی كوژراوەكانی ئاشكرا كرد و ڕایگەیاند: سێ منداڵی تەمەن سێ بۆ شەش ساڵان، سێ ژنی تەمەن 20 بۆ 40 ساڵان و پیاوێكی 50 ساڵ تەمەن لەو ڕووداوەدا كوژراون.
PUKmedia   ئاژانسەكان  




..