ئاكرێ.. هاووڵاتییه‌ك چوار ملیۆن دۆلار ده‌بات و هه‌ڵدێت

بو ده‌مێ زێده‌تر ژ 5 سالانه‌ هاوه‌لاتیه‌كێ قه‌زا ئاكرێ بازرگانی ب پارێن هاوه‌لاتێن وێ ده‌ڤه‌رێ دكرو بازرگانیا كارتێن موبایلا و ئوتومبێلا دكر ونێزیكی 100 هاوه‌لاتێن وێ ده‌ڤه‌رێ پارێ خو راده‌ستی ڤی كه‌سی كرینه‌ ب مه‌به‌ستا بازرگانیكرنێ ب پاره‌یێ وان وڤی كه‌سێ بازرگان بو ده‌مێ حه‌فتیه‌كێ یه‌ موبایلا خو داێخستیه‌ و خو به‌رزه‌كریه‌ وپارێ ڤان هاوه‌لاتیان بریه‌ .

ئێك ژ ئاكنجێن قه‌زا ئاكرێ كو 27 دفته‌رێن دولاری داینه‌ ده‌ستێ ڤی بازرگانی راگه‌هاند كو پێنج ساله‌ بازرگانی ب پارێ وان دهێته‌ كرن ژلایێ ڤی كه‌سی ڤه‌و هه‌ژماره‌كا مه‌زن یا هاوه‌لاتیان پارێ خو راده‌ستێ وی كریه‌ داكو بزرگانیێ ب پارێ وان بكه‌ت و مفای بده‌ته‌ وان ،هه‌روه‌سا گوت ڤی كه‌سی بو ده‌مێ حه‌فتیه‌كێ یه‌ پارێ وان بریه‌ و خو به‌رزه‌كریه‌ وتێله‌فونا خو داێخستیه‌، هه‌روسا گوت ژی كو وی سكالا ل دادگه‌هێ توماركریه‌ و دژی ڤی بازرگانی ژبو ڤگه‌راندنا پارێ خو.

دهێته‌ زانین كو ل ڤان سالێن داویێ چه‌ندین حاله‌تێن هوسا په‌یدابوینه‌ و ب سه‌دان دفته‌رێن دوڕلاری ێن هاوه‌لاتیان ژ لایێ چه‌ند كه‌سه‌كا ڤه‌ هاتینه‌ برن و خو به‌رزه‌كرینه‌ .

PUKmedia به‌یار ئامێدی