بافڵ جه‌لال تاڵه‌بانی سه‌ره‌خۆشی له‌بنه‌ماڵه‌ی مسته‌فا سه‌رگه‌ڵوویی ده‌كات

به‌بۆنه‌ی كۆچی دوایی فه‌رمانده‌ و پێشمه‌رگه‌ی دێرین مسته‌فا سه‌رگه‌ڵوویی، بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان پرسه‌نامه‌یه‌ك ئاڕاسته‌ ده‌كات كه‌ ئه‌مه‌ ده‌قه‌كه‌یه‌تی: 

به‌ڕێزان بنه‌ماڵه‌ و خانه‌واده‌ی سه‌ربه‌رزی كاك مسته‌فا سه‌رگه‌ڵوویی.

به‌داخێكی زۆره‌وه‌ ھه‌واڵی كۆچی دوایی فه‌رمانده‌ و پێشمه‌رگه‌ی دێرین، كاك (مسته‌فا سه‌رگه‌ڵوویی)مان پێگه‌یشت.
بۆ ئه‌م خه‌مه‌ گه‌وره‌یه‌ پرسه‌ و ھاوخه‌می خۆمان ئاڕاسته‌ی به‌ڕێزتان، هه‌ڤاڵان و هاوسه‌نگه‌رانی ده‌كه‌ین.
كاك مسته‌فا سه‌رگه‌ڵوویی كه‌سایه‌تییه‌كی نیشتمانپه‌روه‌ر و شۆڕشگێڕ بوو، هه‌ر بۆیه‌ به‌شێكی زۆری ته‌مه‌نی له‌پێناو خه‌بات بۆ خاكی كوردستان و سه‌ربه‌رزیی یه‌كێتی به‌سه‌ربرد. هه‌ر ئه‌مه‌ش وایكردبوو خۆشه‌ویستی هه‌موولایه‌ك بێت.
رۆحی كاك مسته‌فا سه‌رگه‌ڵوویی شادبێت و خوای گه‌وره‌ سه‌بووری به‌هه‌موولایه‌ك ببه‌خشێت.


دڵسۆزتان 
بافڵ جه‌لال تاڵه‌بانی 
سه‌رۆكی یه‌كێتیی نیشتمانیی كوردستان 
١٢ی حوزه‌یرانی ٢٠٢٢
PUKmedia