ئەمریكا.. بۆ گۆڕینی یاسای چەك هەڵگرتن خۆپیشاندان دەكرێت

بەهەزاران كەس لە شارەكانی ویلایەتە یەكگرتووەكان ئەمریكا بۆ گۆڕینی یاسای چەك هەڵگرتن ڕژانە سەر شەقامەكان و داوا دەكەن كە یاسای چەك هەڵگرتن هەموار بكرێتەوە بۆ ئەوەی ڕێگری لە تاوان و كوشتن بگیرێت.

پاش كوژرانی 19 منداڵ لە یەكێك لە قوتابخانەكانی ویلایەتی تەكساس هاووڵاتیانی ئەمریكا بە دروشمی " بۆ پاراستنی گیانمان خۆپیشاندان دەكەین" ڕژانە سەر شەقامەكان و داوای گۆڕینی یاسای چەك هەڵگرتن دەكەن. 

خۆپیشاندانەكان لە 450 شوێن لەسەرتاسەری ویلایەتە یەكگرتووەكانی ئەمریكا بەڕێوەچوو. 

 هاوكات بایدن سەرۆكی ویلایەتە یەكگرتووەكانی ئەمریكا دەنگی خۆی خستە پاڵ دەنگی خۆپیشاندەران و داوای لە كۆنگرێسی ولاتەكەی كرد هەنگاوی جدی بۆ گۆڕینی یاسای چەك هەڵگرتن بنێت. 
PUKmedia  ئاژانسەكان