یەکێتی سوپاسی حکومەت و گەلی هۆڵەندا دەکات

لە پەرلەمانی هۆڵەندا پێشوازی لە  پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە کرا
ئەمڕۆ پۆڵا سیروان تاڵەبانی سەردانی پەرلەمانی هۆڵەندای کرد و لە لایەن ژمارەیەک لە پەرلەمانتارانی پارتی لیبراڵەوە پێشوازی لێکرا و لە کۆبوونەوەیەکدا تیشکی خستەسەر دواپێشهاتەکانی دۆخی سیاسی عیراق و کوردستان و هەوڵەکانی یەکێتی بە سەرۆکایەتی بافڵ جەلال تاڵەبانی بۆ چارەسەرکردنی سەرجەم قەیرانەکانی دۆخی سیاسی و نزیککردنەوەی لایەنە سیاسییەکان و دیدی یەکێتی. سوپاسی حکومەتی هۆڵەندا و گەلی هۆڵەنداشی کرد بۆ پشتیوانی لە هەرێمی کودستان لە شەڕی دژی تیرۆر و بەردەوامی هەوڵەکانیان بۆ پشتگیری لە هەرێمی کوردستان.